النجمه البعيده
زمان كنت مصاحبه اوى النجمه صاحبة القمر
كنت بقعد احكيلها بالساعات وانام وانا على شباكى عشان مش اسيبها لوحدها
كنت بحب اوى تمسكها بالقمر
بحب اوى تواجدها جنبه وصبرها عليه
حتى ولو هو مش شايفها لوجود نجوم تانيه حواليه
كانت برضو بتبقى موجوده
اخلاصها كان غريب وكان مريح وكان مطمئن
علمتنى حاجات كتير اوى من غير ما تعرف ومن غير ما تقصد
..والقمر كمان
علمنى انه بيبقى احيانا صغنن و ضعيف بس بيبقى برضو موجود
واحيانا تانيه بيبقى كبير و قادر و فاهم وحاسس و برضو موجود
علمنى الوفاء اوى
علمنى الصبر على الايام
لانها دايما يوم جميل
:)
:)
:)
ويوم تانى اجمل
posted by ساعه الغروب at 9.8.07
22 Comments:
والله انتي الي اجمل بمشاعرك دي
واكيد فيكي صفات من النجمة و من القمر
:)
مش كدة احسن من فترة الحزن و الملل الي كنتي فيها
هي اة كانت بتطلع من حاجات جميلة
بس متخليهاش تسيطر عليكي
-------
اية دة دنا اول تعليق
على رأي و احد صاحبي فين الربع جنية المخروم؟
تاني بقولك لسة في امل ولسة الجايات كتير
ربنا يجعل ايامك كلها احلى .. وتفضل النجمة منورة .. منورانا كلنا
حلو قوي
الفكرة رقيقة
بس باينها مجروحة ليه
لازم نتعلم
لسه فى امل والله فى امل
ربنا قادر يبدلكل حاجة بصى حاولى وانتى اصلا النجمة دى مين الى شافها كده
مش انتى
عيونك انتى
ونظرتك انتى
يبقى انتى الى نجمة عالية اتعاملى على الاساس ده ونظرتك ملهاش حل لانها حلوة اوى
اجمدى بس
انتي اللي تحفة بمشاعرك يا رووودي
تتحسدي بقالككام وم مبسوطة
انا كدة ابتديت اتخض عليكي
ههههههههههههههههه
ربنا يسعدك يارب كمان وكمان
مش تزعلي يا بنتي مني اصل لما انتي اتصلتي انا كنت نايمة وتاني يوم بعتلك الرساله وكنت في شغلي
فمش عرفت ارد عليكي
ادعيلي يارودي
حتى ولو هو مش شايفها لوجود نجوم تانيه حواليه
كانت برضو بتبقى موجوده
اخلاصها كان غريب وكان مريح وكان مطمئن
:) حتي النجمه عندك مخلصه لقمر بعيده عنه ملايين السنين
بيعجبني قوي تفاؤلك مع الطبيعه
احساسك معاها عالي قوي
:) انا قلتلك انتي جايه من عالم تاني اصلا
تحياتي يا جميل
حلو قوي الحوار بينك و بين النجمة و القمر
رومانسية و جميلة في تفكيرك و مشاعرك
سلام مؤقت
رودى
انا داخله النهارده
اتكلم معاكى في فكره
فكره معناها عندى كبير وعميق
فكره اسولها التأمل ونهايتها التعلم
الموجوده في البوست هنا
ان الانساس يبص حواليه في كل مخلوق
في الطبيعه في البشر في المواقف
ويوظفها ويستفيد منها
ظهرت اووى هنا
بالذات في
"علمتنى حاجات كتير اوى من غير ما تعرف ومن غير ما تقصد "
الجمله دى حقيقيه اووى يا رودى ... حاولى تحافظى على دى بالذات
تحياتى يا اجدع وارق صاحبه في الدنيا
كلمات رائعة جدا والأحسن طبعا الأحاسيس والمشاعر الجميلة اللى فيها
تحياتى لكى
يااااااااه عليكى ! ايه الرقة دى كلها .. البوست جميل ورقيقة وصافى وفى تفاؤل معتدل..تمنياتى بغد يحمل نفس الصفات
خلقت الاشياء
لتعلم بني ادم
.
.
ولكن قلما من يعتبر
اقول ايه تاني بس
انا كمان مصاحبه نجمه لما القمر بيغيب عني بتونسني النجمه و بعشق القمر عشقي ليكي
لسه شبهي اكتر من اللازم
ابقي عدي عليه
ya rab daymn tefdl el negma w yefdal el 2amr m3aki :)
اسكندرانى فى الغربه
ميرسى ليك جد اجدا بجد
وعلى فكره بجد والله مش بيبقى بايدى مود الملل والحزن دا واول ما بلاقى طريقه ولو "عبيطه "انى اعالجه والله ما بتاخر
عموما هحاول ما ابقاش اضايق اى حد تانى بمودى الشرير دا
سورى وسامحونى بجد
الحمد لله على كل حال
ويا سيدى عشان انت اول تعليق
ليك جنيه بحاله
اقولك ليك واحده جالكسى يا عم يلا ان شالله ما حد حوش
هههههههههههههه
شكرا ليك
:)
-*-*-*-*-*-*-*-*-*-*-*-*-*-*-*-*-*-
lamia mahmoud
يا رب بجد كل اللى جاى يبقى احمل وان شاء الله الامل موجود مهما حصل
شكرا ليكى يا قمره ويا رب تكونى بخير
:)
-*-*-*-*-*-*-*-*-*-*-*-*-*-*-*-*-*-
halawa
ميرسى ليك
وبعدين مش الفكره هى الى مجروحه
هههههههههههه
انا اللى كان لسه جوايا رواسب اكتئاب
هههههههههههههه
الحمد لله
عموما ان شاء الله مش هتبقى الافكار بعد كدا مجروحه
شكرا ليك
:)
عارفة
دايما يقولوا معرفة الناس بتعلّم
و الدنيا و ما فيها برضه بتعلم
وعمري ما إقتنعت باللي بنتعلمه من الناس و الدنيا و أحداثها و مفارقاتها
دايما كنت مقتنعة إ، العلام الصح من الفطرة وكلام ربنا و التلميحات اللي بيحطهالنا في خلقه للكون
بيقولوا على ده رومانسية ساذجة
وبيستفزني الرأي ده
وفمرحلة فحياتي إتأثرت بيه
و إتخليت عن إعتقادي وإعتبرتني رومانسية ساذجة
بس لما كبرت آمنت
إن العلام مش من الناس
وإ، رأيي ما كانش رومانسية ساذجة
بس بعد ايه؟؟
بعد ما الناس و الددنيا علّمت فيّ
كلامك جميل قوي يا رودي وصح قوي و تخيلي كده لو كل العالم غستمد معلوماته و ثقافته من تفاصيل الكون.. أكيد كانت حياتنا حاتبقى أرقى و أكتر حضارة
واحشاني
السلام عليكم
وحشتيني موت يا قمر ونفسي اشوفك اوي
الحمدلله ان مود الكأبة راح وجه مكانه مود الرومانسية الجامد ده كلماتك حلوة ورقيقة اوي وانشالله الامل دايماً موجود
اتمنى لكي سعادة دائمة وراحت بال على طول الخط
ربنا يوفقك
موني
ana keda
اكيد لسه فيه امل فى بكره
وطول ما بكره ما جاش طول ما الامل بيكبر
:)
ميرسى ليكى بجد
بس انا يهمنى اوى انها تفضل هى عاليه اوى كدا وافضل انا صغننه اوووى كدا فى نظرها لانى عرفتها على كدا ومش عايزاها تتغير عن كدا
:)
ميرسى ليكى يا قمره
:)
-*-*-*-*-*-*-*-*-*-*-*-*-*-*-*-*-*-
samraa elnil
ماشى يا مجرمه باه بقالى كام يوم مبسوطه واتحسد
ماشى ماشى
المهم انتى تبقى بخير بس
انا مش زعلانه يا انوج انا بس قلقت عليكى
المهم انك بقيتى الحمد لله افضل
خلى بالك من نفسك يا انووووووج
ميرسى ليكى يا قمره
:)
-*-*-*-*-*-*-*-*-*-*-*-*-*-*-*-*-*-
حصان برى
ميرسى ليك بجد اووووووى
على فكره انت لو تابعتها بجد هتلاقيها فعلا مخلصه ليه جدا جدا
:)
انا مش من عالم تانى ولا حاجه انا بس لما بتعب من اللى بيحصل حواليا بلاقى رسايل صغيره اوى فى كل حاجه حواليا بتقلى استنى لسه فيه امل تانى فى بكره
شكرا ليك اووووووى
:)
أجمل ما في البوست
الاخلاص
العملة المفقودة أو الصعبة علي الاقل في هذا الزمن
بوست جميل
ومدونة أجمل
s h a h
ميرسى ليك بجد
كلماتك محترمه ورقيقه اوى
و اتمنى انك تكرر زياراتك
:)
-*-*-*-*-*-*-*-*-*-*-*-*-*-*-*-*-*-
فوكيره
مى ميرسى ليكى بجد
انا على فكره ما اخدتش بالى من الكلمه الا لما انتى لفتنى نظرى واحنا بنتكلم مع بعض
بجد بحس اوى انه الحاجات دى بتعلمنى حاجات كتيره اوووى
الحمد لله بجد
وميرسى ليكى يا قمره
وعجبتنى اوى فكرتك دى
"اولها التامل واخرها التعلم"
بجد حلوه اوى وصح اوى الفكره دى
وسبحان الله
:)
bos bos
ميرسى ليكى بجد وشكرا جدا لمتابعتك المستمره
ميرسى
:)
-*-*-*-*-*-*-*-*-*-*-*-*-*-*-*-*-*-
moony
شكرا ليكى ويا رب بكره لينا كلنا يكون بنفس الصفات
:)
-*-*-*-*-*-*-*-*-*-*-*-*-*-*-*-*-*-
ادم المصرى
شكرا ليك
بس عندى توضيح صغنن اوى
انه مش "قلما"
هوبس ناس كتير مش بتلاقى الوقت لدا
شكرا ليك
:)
-*-*-*-*-*-*-*-*-*-*-*-*-*-*-*-*-*-
نهر الحب
بجد مش عارفه اقولك ايه
بس طيبه قلبك ظاهره اوى فى كلامك
ميرسى ليكى بجد بجد
:)
oma
يا رب بجد لانهم اصحابى من زمان اوى وخاصه النجمه دى بجد بجد صاحبتى اوووووووى
شكرا ليكى اووووووى
:)
-*-*-*-*-*-*-*-*-*-*-*-*-*-*-*-*-*-
hannoda
حصلى كتييير اوى اللى انتى بتقوليه دا
وكتير اتهمونى بالجنون
والاكمتر اتهمونى بزى ما تهموكى كدا بالرومنسيه السازجه
ومش هنكر انى اتاثرت اوى انا كمان بس بجد لما راجعت تانى كلامهم وتصرفاتى ولقيتنى مش بعمل اى حاجه غلط غير انى بحس وبس
وعشان كدا الافضل انك تبقى زى ما انتى مش زى ما الناس عايزه
وميرسى ليكى
ابقى طمنينى عليكى لانك بجد بتوحشينى اووووووى
:)
-*-*-*-*-*-*-*-*-*-*-*-*-*-*-*-*-*-
منى
مونى
ازيك عامله ايه؟؟
واحشانى جدا على فكره انتى كمان
الحمد لله انه الامل موجود دايما
ويا رب بجد يفضل موجود
ميرسى ليكى يا قمر و يا رب تبقى بخير دايما
:)
-*-*-*-*-*-*-*-*-*-*-*-*-*-*-*-*-*-
القلم السكندرى
هودا بجد الى كنت مستغرباله فى النجمه اوى
انها اد كدا مخلصه اوى حتى فى غياب القمر هى مش بتغيب عنى
ميرسى ليك بجد
واتمنى انك تكرر الزياره
:)
ليل ليل بلا قمر
وانا وحدي مع السهر
نجمة صغيرة تغني
أنا معك لابعد الضجر
مدونتك جميلة جدا
إرسال تعليق
<< Home