يا قلبى الحزين
مجروح صوت الأنين جواك
مكتومه كل الآهات
محبوسه كل الدموع
مخروسه كل صرخه
عالى صدى صوت المرار
صارخ طعم الحزن فى ملامحك
قاتل خوف السنين جواك
posted by ساعه الغروب at 23.7.07
23/07/2007
من أنا
- الاسم: ساعه الغروب
- الموقع: portsaid
انا هى انا.. كما انا .. وكما ساظل انا .. اكره الانتظار واعشق البحر .. اكره التحكم واعشق الحريه .. مجنونه يمكن .. غريبه يمكن .. حزينه يمكن .. سعيده يمكن .. بس الاكيد ان كل ما اعلمه عن نفسى انى مازلت انسانه !!
Previous Posts
- محاولات
- بجد و بمنتهى الصدقومن كل قلبى آسفه
- !!لقلمى
- !!!انا كان حلمى
- كل سنه وانتى طيبه
- شششت ..حاله سكون
- !!لحظات حبيت اسجلها
- !!!رساله ما لقيتهلهاش اصحاب
- !! لحظه جنون !!
- !!آخر رسائلى اليك
20 Comments:
وكل شيء بينسرق مني .. العمر من الايام والضي من النني
وكل شيء حواليا يندهني
جوايا بندهلك
يا ترى بتسمعنييييييي
اخبارك اية يا جميلة؟
اولا يمكن انا قريت الكلام ده قبل ماتنزليه وقلتلك رايي بس انا هافسره تاني وتالت وعاشر وزي مانتي متعوده مني
وهاطول زي مانتي عايبزه بس هاتي قهوة وظبتي القاعده وركزي كدا
اولا
انتي بدأتي بكلمة مجروح ودي بدل على انك في هذه الحاله الى الان شبه مجروحه ومش مجرد سرد لاحساس شخص مقابل
وان باقي كلماتك زي
الانين والاهات المكتومه محبوسه مخروسه
كلها بدل على الوحده وان مفيش حد حاسس بيكي وانك عايشه في وسط عالم مش فاهماكي وكل اللي يهمها ضحكتك قدامهم وخلاص
اما بقى عالي صدى صوت المرار
فدي جايه من القهر اللي انا حسيته فيكي وبردو من القوة المدفونة جواكيولانك عارفه ان الشخص ده اللي انتي موجه الكلام ليه هايكون بنفس احساسك فاسمحيلي اقول الكلام ده بيوصفك اكتر ماهو بيوصف شخص تاني
اما بقى قاتل الخوف
فدي دعوة امل وتحدي ونظرة تفاؤل رغم اننا معترض عليها في حاجتين
اولهم انك كتبتي الحل ومش شرحتيه وهو قتال وتانيها انه هايحارب نفسه لان الخوف مش من اللي حوليه ده خوف من اللي جواه يعني هو اللي راهب نفسه وعامل الهيلمان ده كله
اما بقى انتي فدي دعوة للامل من اللي جواكي وعدم عرضك للحل لانك انتي مش لاقيه نفسك لسه او ملقتيش اللي يخليكي تتغيري الى هذا الحد كل اللي انت يفي ده لالنك بتفكري لنفسك وده صح بس مفيش الدافع اللي يساعدك
اما بقى الصورة ياستي فدي معناها كتير واهمهم انه عكس الدعوة تماما للتحدي اللي في النهايه
هي يمكن معنى الصورة ان القلب اصبح ياأس من كل شيء حتى انه نسي انه قلب واصبح صخر بس رغم كل ده فهو مربوط الماضي والدليل الحبل او القماش اللي مربوط بيه انها قديمه بس انتي لو لاحظتي ان الماضي ده اللي هو القماش هو ماسك القلب اللي متكسر ده يعني بدون الماضي القلب ده مش هايكون موجود من اساسه لمتكسر ولا حتى حجر
بس لو لاحظتي ان الظل الموجود هو ظل القلب يعني في كل الحالات هو قلب
يعني لازم يبنتي تعرفي ان لسه فيه قلب
ونصيحه حاولي يكون عندك امل في بكره لكن كل كلماتك معلش بتدل على الامل في شيء انتي مقتنعه انه مش جاي يعني بتحاربي نفسك زي منا قلتلك وعشان كدا بكره ده مش هاييجي الا لما تبدأي تقتنعي بيه
اناتعبت مش من التفسير من الكتابه ربنا معاكي في القرايه
وربنا يسترها
جرح الاحبة مالوش اطبه واللي حرجني اعز حبيب
وقالو الصبر وصبرنا وبعد الصبر في ايه تاني
حرام ياناس بعد ده كله نعيد الصبر من تاني
انما لسه في امل
تحياتي
كل حاجة بتبدأ صغيرة وبتكبر
الا الجرح
بيبقي كبيييييييير
وبيصغر بمرور الزمن
سميه النسيان
سميه المناعة
المهم انه بيصغر
وبيندمل
صحيح مش بيوجع قوي لكن بيسيب مكان عشان ميتنساش
لكن منقدرش نختلف في ان المه بيزول بمرور الوقت
وصلت الرسالة؟؟؟؟؟
مش عارفه اقولك ايه لان ماينفعشى قلب مجروح يداوى قلب انجرح زيه بس ممكن القلبين يصبروا بعض ..... سلمى
الايام كفيلة والنسيان افضل طبيب
أخي العزيز
عذرا للمقاطعة
نحتاج الى رأيك ودعمك في حملة القضاء على المخدرات انتظرك هناك
www.tw3ya.blogspot.com
ردوي حاولت اكتب كلام
وملقيتش كلام
لانى دايما بحس ان الدنيا واسعه وان مهما كانت مشاكلى انا
احسن من كتير غيري
بحمد ربنا والحمد بيريحى
صحيح مبنساش
بس بجد الحمد بيريحنى
انا عايزه اخدك في حصنى و امسك ايدك واوديكى
البحر
واكون متفقه مع الدولفين يستناكى هناك علشان تلعبوا سوا
وفي اخر اليوم تودعيه
و يكون مستنيكى الحصان الابيض
يجرى عليكى
وشعره بيطير
ياخدك على ظهره
ويجرى ويطير
:)
اختي الصغيره:
حلوه بجد
حسيتها قوي
بس وحياه الغاليين فكيها
الكلام ده مايطلعش غير من حزن ووحده حقيقين
نصيحه مني.....
قومي في الخباثه كده شوفي فيلم كارتون
فعلا وما أقسى أنه حتى الأنين ينجرح
وحتى الآهات والدموع تسجن
ولكني لست معك في خوفك من السنين
فالسنين خير علاج لكل ما أورثته لنا من أنواع الداء
كنت أخافها في فترة ما.. وعلمتني
أن الخوف خلق من اناس.. الحب.. الحلم
أما السنين فهي بر الأمان الأكبر
الصورة معبرة قوي لدرجة إني توقعت المعني اللي حاشوفه في كلامك من قبل ما أبدأ فيه
هو مال كلامك بيوصل قوي كده؟؟
تحياتي
ايه يا عم الكلام الجامد ده
لأ دا احنا نغلس عليك كل يوم ونزعلك
يا ستى الناس بتغير من فتاة بورسعيد الأولى ومن طابور المعجبين المتذايد
كل ما الطابو هيذيد واحد هتلاقى اعداء النجاح الشريرين هيزيدوا واحد
ايه الكلام الجامد الحزين ده .
انا مش هحلل في الكلام أقول جميل انا هاقول انت بخير أهم من التعليق على البوست
كلامك حزين اوى ليه كده
دى زى ما تكون مشاعر مكبوته
بس احساس عالى
ميرسيه على زياررتك مدونتى واتمنى انها تتكرر
يااااه ع الرقة.. ياااااااه على الوجع..ربنا يسعد قلبك ..ويكون قريب ان شاء الله
رودي الجميـلة ، شكرًا لمرورك ... و إن كان في صمت ............
.
.
وحشتيني :)
lamia mahmoud
منير دا بجد نقلنا معجزات باحساسه
الحمد لله
المهم انتى ابقى دايما طمنينى عليكى
ميرسى ليكى يا قمره
:)
-*-*-*-*-*-*-*-*-*-*-*-*-*-*-*-*-*-
بين الامل واليأس
استنى كدا باه ووسع عشان اعرف ارد عليك
ايه يا بابا دا انت بتنتقم منى ولا بتعلق
ماشى يا عم مردوده و والله لا هتلاقينى فى بوست كدا مبهدلاك بتعليق شبهه
ههههههههههه
بص يا سيدى
انا عايزه بس اعلق الاول على الصوره
انا فعلا كتيييير اوى اوى اوى بحس قلبى ما عدش بيحس
وما عدش عنده مشاعر وبجد ببقى زعلانه اوى اوى عليه
وكتييير اوى بحسه زى الحجر دا
مشروخ من كل جانب ولو اى شئ بسيط اتحرك من جنبه بجد مش هيستحمل وهينهار
عشان كدا حسيت الصوره دى اوى
لكن باه وبجد لفت نظرى الحبل اللى متعلق بيه القلب لما قريت تعليقك
ما كنتش واخده بالى منه اوى كدا بالرغم من ان ديناميكيه الربطه ليه حولين القلب لفتت نظرى بس ما جاش فى بالى افكر فى معناه
على فكره
القلب يعرف اوى انه يكون موجود من غير الماضى
يعنى مش شرط وجوده عشان احياء القلب
لا ممكن اوى انه يستغنى عنه لو لقى مستقبل اوضح واقوى
"نفس عميق عشان اقدر بس اكمل رد على التعليق الفظيع دا"
بص يا سيدى باه
كلماتى باه الى انت حسيت فيها انى لوحدى اوى او انى بين ناس مش فهمانى
هو مش بالظبط كدا يعنى هو الى حد ما
بمعنى
انه انت ممكن تبقى بين ناس فهماك اوى بس مش حساك
وحاساك غير حاسه بيك
ليه باه
لان حاسينك دى معاناها متفهمين اوى مشاعرك وتصرفاتك ومش بيسالوك على كل حاجه ايه كان الدافع وراها وليه عملت كدا ومش عملت كدا
لكن حاسيين بيك
يعنى حاسين انت مضايق او مبسوط او ايا كان باه
المهم انه مشاعرك واصلالهم مش اكتر
على فكره كمان الكلام دا وان كان موجه لشخص تانى فالشخص التانى دا برضو انا
لانى دايما فى حوار دائم بينى وبينى
"هههههبص ما تبقاش تركز اوى فى الرد على التعليق بس انت الى عملت فى نفسك كدا"
على فكره كمان توضيح ضغنن
"قاتل خوف السنين جواك"
يعنى خوفه من السنين قاتله ومش عارف يلاقى منه المفر
بص يا حازم انا مش مش عندى ايمان ببكره
لا الحمد لله انا عندى اوى اوى ايمان انه بكره افضل دايما مهما كان فيه
بس كمان مش بقدر امنع خوفى من المستقبل
ودى مشكله انا عارفه وبحاول انى اتغلب عليها بس اسه قدامى شويه على ما اقدر انى اتعلب عليها صح
عموما بجد بجد اسعدنى اوى اوى اوى تحليلك
وميرسى ليك بجد واسفه انى اجهدتك اوى كدا فى التلعيق
ميرسى ليك
:)
sendbad
هنعيده تانى وتالت وابع موال الصبر
يمكن فى يوم نعرف نتصبر بيه
جميل الصبر بس للى يقدر عليه
:)
شكرا ليك
-*-*-*-*-*-*-*-*-*-*-*-*-*-*-*-*-*-
احمد عيسى
فعلا زى ما انت قولت
الجرح او الالم وحده هو اللى بيبدا كبييير اوى وبيصغر
وفعلا الايام بتنسينا كل واى شئ مهما كان مقدرا المه او احسانا بيه وقتها
اه مش بننسى كليا بس اهو بنصبر نفسنا بالنسيان
شكرا ليك
:)
-*-*-*-*-*-*-*-*-*-*-*-*-*-*-*-*-*-
سلمى
بجد مش عارفه اقولك ايه غير ربنا يصبر قلبك ويقويكى على كل جروحه
ربنا يهديك لما فيه الخير لكى
يا رب دايما تكونى بخير
:)
كراكيب عادل
فعلا النسيان دا بجد نعمه وهبهالنا ربنا ولازم نقدرها
شكرا ليك
:)
-*-*-*-*-*-*-*-*-*-*-*-*-*-*-*-*-*-
sokoothansawat
شكرا ليك
-*-*-*-*-*-*-*-*-*-*-*-*-*-*-*-*-*-
فوكيره
الحمد لله يا مى
انا عارفه الحمد له انه حالى افضل من كتيييييييييير اوى اوى اوى اوى غيرى ومش بعترض على حالى بس دا احساسى واكيد مش هعرف انى ادفنه جوايا
الحمد لله
انا فعلا محتاجه اوى اوى اوى اوى انى اروح للبحر
ان شاء الله عن قريب جدا جدا جدا
ميرسى ليكى يا قمره
:)
leeh bs keda ya rawdaaa
leeeh daymn kda !!!
kol ma agy 3ndk t2lby el mawage3
rabna ys3dk daymn ya rab ya gamela
رائع وجميل
إرسال تعليق
<< Home