شششت ..حاله سكون
كتير اوى بينتابنى الشعور دا
شعور بان مشاعرى تشبه البحيره المهجوره
هادئه..ساكنه..صامته..لا حركه فيها
ولا حتى دوامات من الداخل ليس لها اثر على السطح
*
*
*
عن نفسى بحب اوى الحاله دى
وبحارب عشان اقدر اوصلها
*
بس اللى بجد ممكن يجننى
انه يجى حد عابر ويرمى بحجر صغير جدا فى وسط البحيره
ليصدر حلقات دائريه"من التفكير" تصل الى ابعد الآماد
دا طبعا غير ان الحجر الصغير"حتى وان كان صغيرا"بيترسب فى اعمق اعماق البحيره
!
!
!
كم منا تملؤه تلك الاحجار الصغيره التى القت بايدى طائشه ورحلت دون حتى الالتفات الى الخلف لالقاء نظره عابره عما احدثه ذاك الحجر "الصغير"
*
!
*
ليه؟!؟!؟
ليه دايما بيغرينا سطح البحيره الهادئ؟؟
ليه بنحب اوى نلعب اللعبه دى؟؟
حد فينا مره فكر اد ايه ممكن ياثر على البحيره دى؟
*
مش عارفه ليه ؟
بس بجد يا ريت نبطل نعمل كدا
نبطل نرمى بالحجر و نمشى
او حتى نتفرج عليه
بنستفيد ايه؟؟
!!ما هو اصلا هربان من البحيره وساكن على جنباتها
نرميه احنا تانى ؟؟
!!تصرف غريب اعتدنا عليه
!!مالوش معنى او تفسير
؟
!
؟
!
*
*
"ادعولى اقدر احافظ على السكون النفسى دا اطول فتره ممكنه"
posted by ساعه الغروب at 27.5.07
20 Comments:
rabna ma3aky
مينفعش الناس تبطل ترمي الحجر
ومينفعش البحيره تتعب من اللي جواها
علشان حييجي الوقت اللي البحيره دي حتثور
وامواجها تتقلب
وترمي الحجارة اللي جواها بعيد
وساعتها اللي ساكن جنب البحيره
اللي كان بيرمي فيها الحجارة
حيعرف ان البحيره دي بتتعب من الحجارة
لدرجة تخليه هو يتعب لما البحيره تتضايق
مش كده واللا ايه
والنبي لاجيب شوال طوب
وافضل احدف عليكي
يللا بالهدوء بلا بتاع
اااااااااااه
مانتي مبتمتحنيش
عااااااااااااااااااا
ماشي ياستي
عيشي حياتك
ربنا يسعدك يااااااارب
تحيااااتي يا روودي
الحجر بيعمل الدومات دى لعدة ثوانى ويعدود الهدوء مرة اخرى للبحيرة
ومهما رمينا من احجار هترجع البحيرة لهدوئها تانى بعد فترة قصيرة
لأنها بطبيعتها هادئة ساكنة ...
ومهما رمى من حجارة ستظل البحيرة بحيرة والحجر المتطفل حجر ... ولو اثر فيها بضع من الوقت ....فهى ايضا اغرقته ودفنته فى اعماقها !!!...
هاكذا يكون انتقام البحيرة الهادئة اغراق المتطفلين والدخلاء فى اعماقها وكأن شيئا لم يكن !!!
ربنا يديم الهدوء والاستقرار ليكى يا رضوى
تحياتى
اذا قدرتي تحافظي علي الهدوء والسكينة دي ياريت تقوليلي قدرتي ازاي لاني محتاج ده فعلا
تحياتي
رسمتي صورة رائعة بكلامك و صورة قادرت تلمس حاجة كبيرة جواي
هذه الاحجار التي يلقيها الناس تجعل قاع البحيره اقوي
وحتي اذا لم يلقي الناس بالاحجار ستاتي الريح لتحرك السطح وتصنع الامواج
تعلمي ان البلور جميل
ولكنه غير صالح للعيش هنا
والماس اجمل
وصالح تحت كل الظروف
هات طوبه يابني
تششششششششششششششششششششش
يا رب
بس مين بقى اللى رمى الطوبة وجرى ده
:)
ايه ده بجد وبتقولي ان البلوج بتاعي حلو !!
بجد حلوه اوي الصورة اللي انت عشيتني فيها صورة السكون بس فعلا اتفق معاكي على جمال وروعة السكون فيه صورة عكسية صورها نزار قباني في قصيدة اغصب لما قال اغضب فأنت رائع حقاً متى تثور أغصب فلولا الموج ما تكونت بحور .
بي بجد فعلا بوست رائع جدا جدا ومش عارف خبط فيا ليه .
يمكن علشان انا ساكن أوي اليومين دول وهتضايق من أي حد يرمي طوبه جوايا ويضيع السكون ..... يمكن !!
على العموم أحييك فعلا على البوست الرائع وشكرا جدا على زيارتك .
عم أحمد
ahmad3tkh
شكرا لمرورك
و ومنتظره زيارتك مره تانيه
:)
-*-*-*-*-*-*-*-*-*-*-*-*-*-*-*-*-*-
زحل الفلكى
يمكن الناس ما ينفعش تبطل ترمى الحجر
بس جايز جدا انه البحيره تتعب من اللى جواها وجدا كمان
ومهما ثارت البحيره وامواجها اتقلبت
ممكن ما تعرفش توصل للحجاره لو
الحجاره دى اترسخت اوى فى القاع
وليه ما ناخدش بالنا من قبل ما البحيره دى تشتكى اوى كدا
هو مش ممكن نراعيها الاول او على الاقل نفكر فيها ولو لثوانى قبل ما نضرها
!!! !!! !!!
شكرا ليك ولمرورك العزيز جدا على قلبى
:)
نوفا اخويا العزيز جدا
amr ahmed
باه هو دا اللى انت اتعلمته فى علم نفس النمو
ماشى ماشى
اقولك ايه بس
انا مش هكلمك الا لما تخلص
وبطل يا بابا تسيب مذاكرتك وتروح تلعب فى مدونات الناس
"ايموشن بيطل لسانه"
هههههههههههههه
عموما شكرا على مرورك
وما تجيش هنا تانى الا لما تخلص امتحاناتك
اتفقنا؟
:)
-*-*-*-*-*-*-*-*-*-*-*-*-*-*-*-*-*-
ابراهيم...معايا
ميرسى ليك يا ابراهيم
وابقى طمنا عليك
بلاش الغيبه دى
شكرا
:)
yhy يوسف المصرى
الدوامات دى بتبدا صغيره اوى وعنيفه وبعدين بتكبر وتقل قوتها
بس برضو مش بتزول نهائيا الا لما تلمس كل اطراف البحيره
!!! !!!
اعماق البحيره تعبت اوى
و بعدين هو يعنى دفن الاحجار دى بيبقى سهل
!!! !!!
يا ريتها تقدر تحافظ على سكونها من كل نواحى الحياه الصاخبه الالام
شكرا ليك
ومنتظره مرورك مره اخرى
:)
-*-*-*-*-*-*-*-*-*-*-*-*-*-*-*-*-*-
sendbad
لو محتاج الهدوء دا بجد
غمض عنيك اوى
ركز اوى فى مكان بتحبه وبتشتاق ليه
حتى لو مكان خيالى
وانفض غبار اليوم والارهاق عن جسدك
وخد نفس عميق
وعيش فى المكان دا وبس
افتكر كل لحظه حلوه مرت بيك
او حتى مريت انت عليها
افتكر كلمات جميله لاتنسى اتقالتلك
افتكرك انت وبس لمده لحظات
حاول تحافظ على حاله الهدوء والسكون دى
ولو ليوم واحد
ارجو انه تنجح معاك خطتى فى المحاوله على المحافظه على اتزان مشارعى
شكرا ليك
وارجو تكرر الزياره
:)
hannoda
بجد شكرا جدا ليكى
انتى اصلا حساسه جدا وبتعيشى اوى الكلمات والاحداث
دا ظاهر اوى فى البلوج عندك
بجد امتعتينى فعلا بكلماتك سواء عندك فى البوست او هنا
شكرا ليكى وارجو انك تكررى الزياره
:)
-*-*-*-*-*-*-*-*-*-*-*-*-*-*-*-*-*-
جواد برى
شكرا بجد على التعليق
عندك حق فعلا
لازمه الاحجار
!!
ولكن مع التنبيه افضل
!!! !!!
ودا ئما فعلا ما تحرك اضعف الرياح اشد البحيرات تماسكا
شكرا ليك
:)
zordeak
ميرسى ليك يا اخ عزيز عليا جدا جدا
وما تقلقش
انا بخير الحمد لله
انت بس خلص امتحاناتك على خير كدا
وهنحكى للصبح ان شاء الله
ابقى طمنى عليك من فضلك
:)
-*-*-*-*-*-*-*-*-*-*-*-*-*-*-*-*-*-
احمد رفعت
شرفتنى جدا بزيارتك
شكرا ليك
"اغضب فلولا الموج ما تكونت بحور "
بجد اروع ما يمكن لحاله البحيره دى
شكرا ليك
ويا ريت تقدر تحافظ على سكونك النفسى دا الى ابعد فتره ممكنه وتستطيع تحملها
شكرا ليك انت وارجو انك تكرر الزياره
:)
مش كل البشر بيرموا عشان يضيعوا حالة السكون يا رودي
انا مثلا لما بعمل الحركة دي
بتبقي عبارة عن الاتي
حياتي زي البحيرة الهادية
وبيجي اي شخص يصدر صوت من جنبي
بتغضبي
بتنفعلي
بتبقي عايزة تصرخي
جواكي انين مكتوم مش قادرة تطلعيه
انما لما بمسك الطوبة دي وبرميها
برميها بكل قوتي
بصرخ معاها
برميها عشان ترسب في قاع البحيرة علها توصل للهدوء والراحة اللي مش قادرة اوصلها
لعل البحيرة وهي في القاع ارحم بكتير ممن يرمون بالطوبة بارجلهم
برميها وانا جوايا صرخة
وانا جوايا انين بيطلع معايا
بحس ان جسمي كله بيرتاح
ودة لاني جوايا غضب كبير اوي
مش كل الناس بتبقي غضبانة زي وبتصرخ مع الطوبة الي بتترمي
ولا كل الناس هادية وحزينة عشان تفكر بان ايه ذنب البحيرة ان تكون فيها طوبة في قاعها
اقلها مش كنتي هتعرفي قيمة البحرة الهادية لولا الطوبة اللي عملت تفكير علي مدار بعيد
تردداتها تقلقك وتؤلمك
صح؟
عشان تعرفي قيمة الشئ لازم تجربي ما يضايقك
فهمتي اللي عاوزة اقولهولك ولسة البعيد مش فاهم
وعلي فكرة انا قريت البوست اللي فات واللي قبله
سمراء النيل
بجد كان واحشنى اوى تواجدك هنا
شكرا ليكى
بصى يا انوج
كل اللى حاصل انى عارفه اوى قيمه السكون النفسى دا وعايزه بس انى احافظ عليه اطول مده ممكنه
بجد ببقى نفسى اوى انى اقابل السكون دا
اه بيبقى قبليه وبعديه عواصف غريبه بس ببقى بجد نفسى اوى انى اوصله
بعرف افكر افضل وانا فى الهدوء دا
دى كل الحكايه والقصه يا قمرى
فادعيلى اعرف بس احافظ عليه كام يوم كمان
هو خلاص اهو اوشك جدا على لاانتهاء بس الحمد لله
ابقى بس انتى طمنينى عليكى ومش تغيبى عننا تانى كدا
سلام
وشكرا ليكى
:)
شكرا لاهتمامك
بوست جميل وفيه حالة من هائة من الاختلاء بالنفس ..
فعلا محدش يعرف الاحجار الصغيرة بتعمل ايه....
بس نصيحة منى متطوليش فى حالة البحيرة المهجورة ..لأ خليها جزيرة .. اجمل جزيرة غذيها وجهزيها كويس اه لازم تقعدى مع نفسك .. اه بنحتاج كلنا نبقى لوحدنا بعيد عنهم .. بس بلاش تبقى مهجورة .. بلاش تبقى صامتة قوى .. خلى فيها فضفضة وحكى حتى لو مع النفس ..وبرضه بلاش تطولى
معلش مش هقدر ادعيلك تكوني بحيرة ساكنة لاني نفسي كل البنات تكون بحيرة مليئة الحركة والنشاط ليعيش فيها كل المخلوقات وتكون لهم مصدر للحب والنشاط تحياتي ليكي ولكلماتك الرقيقة
إرسال تعليق
<< Home