محاولات
!!كتير بشوفنى فى انعكاسى حد تانى
ساعات بلاقى الأمل فى عنيا وجوايا مالينى اليأس
!!محاوله منى للتصبر !! يمكن
***
وكتير بلاقينى بتنطنط من الفرحه وبيطفو على سطحى الحزن
!!محاوله منى لاستحضار الطفوله !! يمكن
***
وكتير بشوف ايدا ممدوده وحاضنه الفضا مع انى فى نهايتها شايفه بوضوح "قروح "القيود
!!محاوله منى للتحرر !! يمكن
***
ساعات بلاقى الأمل فى عنيا وجوايا مالينى اليأس
!!محاوله منى للتصبر !! يمكن
***
وكتير بلاقينى بتنطنط من الفرحه وبيطفو على سطحى الحزن
!!محاوله منى لاستحضار الطفوله !! يمكن
***
وكتير بشوف ايدا ممدوده وحاضنه الفضا مع انى فى نهايتها شايفه بوضوح "قروح "القيود
!!محاوله منى للتحرر !! يمكن
***
posted by ساعه الغروب at 9.7.07
34 Comments:
آه كتير بشوف فى الفضا نجوم ممدودة
درووب مرسومة
عيون مقفولة
قيود معمولة
خطاوى الناس بقت مهزوزة
تحفة يا بنتى
وعادى بقة
أودى
ا
وكتير بشوف ايديا ممدوده وحاضنه الفضا مع انى فى نهايتها شايفه بوضوح قروح القيود ... رائعه واحساسك جميل جدايارودى والجمله دى بالتحديد حاسه بيها جدا .... سلمى او الجاسوسه ههههههههه
كتير بصبر الي حواليا واسمع
مع انى محتاجه شويه اسمعنى واصبرنى واحتوينى يمكن
محاوله منى للهروب من دماغى
ربنا بيحاسب على السعي
يا ردوى
رغم ان كلامك تحفة
ومركز اوى
الا انى حاسس بيكى زعلانة ومتضايقة
ومش عارف مالك ؟
مااااااالك يا روودى ؟
يا ريت اعرف
لانى كده قلقت
:(
كل واحد منا له بعد تاني وبيشوف في انعاكساه حد تاني غيره
وكلنا في عنينا الامل ونظرة لادام
ومن جوانا ساكنا الياس
هو مش تصبر
اد ماهو دة الحل الوحيد اننا نعيش
لو جوة عنيكي ياس مش هتضحكي مش هتخرجي مش هتكوني انتي
كل واحد منا بيرفح يفرح
وجواه مكسور جزين
اللي جواكي مش استحضار طفولة اد مانتي جواكي فعلا طفلة
اي كانت نتيجة قيودك عليكي
لازم تمدي اديكي باقصي حاجة
هو مش تحرر
اد ماهي حياتك انتي
اقعدي مع نفسك كدة مع فنجان نسكافيه واسالي ليه
بس متسيبيش نفسك كدة لانه مش حل
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso. (If you speak English can see the version in English of the Camiseta Personalizada. If he will be possible add my blog in your blogroll I thankful, bye friend).
مش عارف فهمتك صح ولا لا
بس اعتقد ده صراع بين اللي انتي عليه واللي عاوزه يشوفك الناس عليه
او هو تمرد علي شخصيه حزينه دائما
تحاول ان تملأ حياتك
فرق كبير بين الحزن والشجن
بين الوحده والتأمل
بين شخص طيب وشخص مكسور
ساعات لازم نعيش الحياه
وساعات لازم نبعد ونشوفها من بره كمشاهدين
كده بنتعلم وكده بنتعلم
بس التعلم بالتجربه مابيتنسيش
اه صحيح
بمناسبه رجوعي
الورده الزرقا اللي تحت دي تحفه
اخدتها
:)
سلام يا جميل
محاولات ومحاولات
احلي محاولة فيهم الي مش بتطولها ايدينا
احنا كدة دايما بنحاول
تحياتي
ول يا ول انتي كاتبه عني بوست ايه الحلاوة دي
ده انتي تقصديني يعني
ياه ده بقى سمي بين الامل والياس
لا جد بقى شوية
كل الكلمات تنطبق على ان مابداخلنا مغلف بمايسمى المظاهر
بجد انتي ابدعتي
ربنا يصبرنا
ربنا يسترها
للمره اللي مش عارفه رقم كام نفس الكلام اللي نفسه اقوله
عارفه لما ببص في المرايا بحس اني ممكن اشوفك
بحبك
nahrelhob_e@yahoo.com
ody911
ميرسى ليك يا اودى بجد
كلامك هو اللى تحفه بجد
شكرا ليك
وعادى بقه
رودى
-*-*-*-*-*-*-*-*-*-*-*-*-*-*-*-*-*-
احمد رفعت
طب ايه؟؟
دا كدا عجبك الكلام ولا ؟؟
:)
منتظره تعليقك
:)
سلمى الجاسوسه
ههههههههههههههههه
ازيك يا قمره منورانى والله
ميرسى ليكى يا قمر
منتظره زيارتك ومدونتك كمان
ههههههههههههههه
عشان نحذف القب دا
ميرسى يا قمره
:)
-*-*-*-*-*-*-*-*-*-*-*-*-*-*-*-*-*-
فوكيره
كتير اوى بنعمل كدا وكمان بننصحهم احيانا بالحاجه اللى احنا فى اشد الحاجه لتنفيذها
ربنا معانا جميعا يا مى
شكرا ليكى
:)
zordeak
ما تقلقش يا احمد انا بخير الحمد لله وهبقى اطمنك عليا مش تقلق
ميرسى يا اخ غالى عندى اوى بجد
ربنا يطمنى عليك انت بس
شكرا ليك
:)
-*-*-*-*-*-*-*-*-*-*-*-*-*-*-*-*-*-
smraa alnil
مش عارفه يا انوج باه
دا الى انا حسيته ساعه ما جيت اكتب
يمكن يكون احساس مرحله عابره
يمكن تكونمشاعرى غلبتنى وسبقت قلمى
مش عارفه بس بجد دا كان احساسى
ادعيلى يا انووووووووج
وميرسى ليكى يا قمر
:)
ازيك الاول
وبعدين حبيت اقولك ان جميل ان لسه فيه حد بيحاول
وبيشوف
لان فيه كتير فقدو روح المحاوله
تحياتي
هو انتي مردتيش عليا فعلا ولا انا مش شايف؟؟؟؟؟؟
كلنا حد تاني كلنا لينا حياة اخري محدش عارفها الا احنا بتظهر ساعات وبتختفي ساعات وبتبقي حالة اعتقد انك كنتي في هذه الحالة اثناء الكتابة
فعلا نحن مجموعة من المتناقضات تؤلف في النهاية الإنسان
من يضع يده عليها يمكنه تفكيكنا من الداخل
تحياتي لك
على فكره انا عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه
ايه حكاية الشتا معاكي
أنا بحبه صراحة
بس ناس كتير بتكتئب منه
عجبني رحل الشتاء قوي
ووصف أوضتك لو حلفتلك
مش هتصدقي تقريبا
بالضبط أوضتي
بس من غير عرايس ودباديب
واكمني على قدي
مش زي ولاد الناس الكويسين
ههههههههههههههه
معنديش وايت بورد
بكتب ع الحيطة علطول
أهلي نفسهم يدهنوها بس على مين؟
حدوتة القلم رقيقة قوي
البوست الأخير بقى
بصي ياستي
احنا كلنا بنسعى
في الدنيا علشان ننجح
صح
قولي صح
محدش بينطق كل الكلام أول مايتولد
لازم يتهته حبتين تلاتة
وممكن يكبر ويفضل عنده
لته في حرف ولا اتنين
يبقى لازم نقلد
ونبقى انعكاس في الأول
لحد مانلاقي نفسنا
عبارة عن ضربة خلاط
لكل حاجة حلوة من كل حد حلو حوالينا
فلازم نعدي على كله
علشان نحس بطعم كله
وبالتالي نحس بالوحش قبل الحلو
علشان نختار الحلو
قولي عروستي
بح خلااااااااااص
تحياتي
قبل مانسى أختي ليها بوست
ادخلي بهدليها بتكره ساعة الغروب جدا
http://true-thing.blogspot.com/
خواطر جميلة من انسانة اجمل, عجبتني مدونتك و لسة بكمل فيها
وعجبني قوي وصفك و تشبيهاتك يا ساعة غروب
احمد عيسى
ادينى يا سيدى قعدت مع نفسى كتير اوى اوى اهو و النتيجه ظاهره على ما اعتقد
هههههههههههههه
اصابتنى حاله اكتئاب حاده
ههههههههه
يلا الحمد لله وكله بيعدى
شكرا ليك
:)
-*-*-*-*-*-*-*-*-*-*-*-*-*-*-*-*-*-
حصان برى
هى مش فكره انى عايزه الناس تشوفنى ازاى ؟؟
اد ما هى فكره انى مش عايزه لما حد يشوفنى وان مضايقه يحس بدا
او يعنى بمعنى اوضح انه مش لازم اعكنن على كل الناس بما انى مخنوقه
الناس مالهاش ذنب خاصه لو عزاز عليا
بيبقى نفسى اوى اوى زى ما قلت اطلع برايا و اشوفنى
يعنى احكم عليا من برا الموقف
بعين تانيه غيرى
بس مش بعرف انى اهمل دا كتير بصراحه
ودا عيب مش ميزه بس بحاول انى اعالجه
كمان عايزه اقولك انه التعلم بالتجربه مش بيتنسى لانه دايما بيسيب اثر حتى ولو اثر كويس بس بيبقى دايما موجود
انت تاخد من البلوج اللى انت عايزه
ومن غير ما تقول كمان
شكرا ليك
:)
كراكيب عادل
اكيد فى يوم فيه محاوله هتطولها ايدينا
ولازم نثق اوى فى دا
شكرا ليك
:)
-*-*-*-*-*-*-*-*-*-*-*-*-*-*-*-*-*-
بين الامل و الياس
حمدا لله على السلامه
بجد بجد كان واحشنى جدا تعليقك اللى كان بجد بيشرفنى جدا
بس ما كنش باه نفسى انه حدي بقى فى الحاله دى زيى
ربنا يخلصك منها على خير
شكرا ليك بجد ومش تغيب تانى كدا مهما كانت الظروف
:)
نهر الحب
بجد ما تتخيليش اد ايه كلماتك دى اثرت فيا
المره دى بالاكتر تحديدا يمكن لانك قلتيها اوى بصدق
بجد مش عارفه اقولك ايه
بس دا بجد يشرفنى
و انا كمان بحبك اوى اوى اوى
شكرا ليكى بجد وتمت الاضافه يا فندم
:)
-*-*-*-*-*-*-*-*-*-*-*-*-*-*-*-*-*-
tamer afify
اولا بجد شرفتنى زيارتك جدا
وكمان كلماتك
وان شاء الله هفصل احاول لحد ما اوصل لانى بجد ما عنديش غير امل المحاوله انها فى مره تصيب
شكرا ليك واتمنى انك تكرر الزياره
:)
ندعوكم لزيارة العدد الثالث لمجلة نفسنا
سعيد جدا بزيارة المدونة الجامدة دى والكلام عاجبنى اوى
ساعات بنعيش مشاعر نقحم نفسنا بيها عشان نغلب بيها مشاعر تانية جوانا.. وفاكرين إننا كده بجد بنغلبها... عشان كده بنعيش إزدواجية
و النتيجة إننا لا إدينا للألم حقه عشان يسيبنا وهو مرضي ولا إدينا للفرح حقه في إستفراده بمشاعرنا
بيتهيألي لو واجهنا اللي جوانا من ألم حانتصاحب عليه .. و حايبطل كل ما نفرح يفكّرنا بوجوده وكل ما نحلم يشككنا في قدراتنا .. ده صراع دائم بينا وبين حاجة غريبة قوي جوانا إسمها وجدان
تحياتي
انا متأكد اني علقت هنا من فترة
وكنت كاتب كلام كتير
بس شكلة موصلش لاسباب انسانية
وبيني و بينيك مش في المود علشان اكتبة تاني
بس ممكن ادعيليك تكوني خرجت من حالة شبة الاكتئاب
و كما قال الحكيم : خليكي فريش احنا في رحلة
sendbad
هو انا فعلا كنت فى حاله شويه غير طبيعتى بس مش للدرجه اوى يعنى
كنت حاسه اوى انه دى الكلمات اللى جوايا ومش عارفه اكتبها ازاى غير كدا
الحمد لله على كل حال
وشكرا ليك
:)
-*-*-*-*-*-*-*-*-*-*-*-*-*-*-*-*-*-
altwati
فعلا كل حد فينا هو عباره عن مجموعه من الاراء والمواقف والاحاسيس المتشابكه جدا جدا
بس اللى اعتقد انه صعب انه حد يقدر فعلا انه يوصل لجواه اوى كدا لدرجه انه يفهمها ويفككها مهما كانت درجه قربه من نفسه
!مش عرافه بس دا رايى !
وشكرا ليك
:)
-*-*-*-*-*-*-*-*-*-*-*-*-*-*-*-*-*-
وينكى
الف الف مبروك يا قمر
و يا رب كدا دايما ناجحه ان شاء الله
ميرسى ليكى
:)
halawa
اولا ميرسى لزيارتك
الشتا يا سيدى عندى حكايه مالهاش اخر ولا نهايه
بحبه اوى اوى اوى وبقعد استناه اوى
مشاعرى فيه بتبقى حيه اوى اكتر من اى فصل تانى مش عارفه ليه؟؟
بس دا اللى بحسه
شكرا ليك بجد على تعلقك على البوستات اللى فاتت دى كلها
واما باه بالنسبه للبوست الاخير
فعجبنى اوى موضوع الخلاط دا
اتللى هوا كدا بطريقه اوضح
انى اخد من كل ايجابياته واسيب السلبيات واحاول انى ابعد عنها
دا بجد اللى اكيد كل حد فينا بيفكر صح بيحاول انه يعمله
وربنا يقدرنا جميعا باذن الله
واختك يا سيدى انا هتعامل معاها ما تقلقش
:)
شكرا ليك
:)
-*-*-*-*-*-*-*-*-*-*-*-*-*-*-*-*-*-
s h a h
شكرا ليك ولكلماتك الرقيقه
وعلى فكره انت كمان مدونتك بجد حلوه اوى
شكرا ليك واتمنى انك تكرر الزياره
:)
عارفة حد عبقري قالي مرة احنا طول حياتنا بنحاول
بنحاول نحب .. بنحاول نتحب .. بنحاول نتحرر من قيد .. بنحاول نختار قيد .. بنحاول نضحك .. بنحاول نعيط عشان محتاجين .. بس كل ده عشان احنا بنحاول نعمل حاجة واحدة بس
بنحاول نعيش
انا فتحت الكومنتات مش عارفة حكتب اية والكلام اتكتب من غير بجد ما اركز
انتي هايلة بجد
وانا كويسة ربنا يخليكي يارب على اهتمامك انا مش عارفة اقولك اية .. شكرا فعلا مش كفاية لما بتلاقي حدبيسال عليكي
اسلام رفاعى
ميرسى ليك
واتمنى تكر الزياره
:)
-*-*-*-*-*-*-*-*-*-*-*-*-*-*-*-*-*-
hannoda
بصى يا ستى
هو انا متفقه معاكى فى جزء ومختلفه فى جزء تانى
هو انا الحمد لله يعنى بحاول على اد ما اقدر انى مش اعمل كدا
يعنى مش اخبى او احاول انى اخفى جوايا احساس باحساس تانى
ومعاكى اوى انه لازم نعيش الاحساس لاخره حتى ولو كان واجعنا اوى
ما هو لو احنا هاجمناه وحاولنا نبعده هيرجع تانى واقوى من الاول
دا رايى ومش عرافه ممكن يبقى صح ولا غلط
شكرا ليكى بجد اوى ويا رب دايما تكونى بخير
:)
اسكندرانى فى الغربه
بجد مش عارفه اقولك ايه؟؟
شكرا لتعليقك اللى كان قبل كدا
وشكرا لتعليقك دا
بس بجد كان نفسى اوى انك تكون قادر تعلق بجد يهمنى تعليقك
شكرا ليك واسفه بجد عن تعلقك الى ضاع
ويا ريت تكرر الزياره
:)
-*-*-*-*-*-*-*-*-*-*-*-*-*-*-*-*-*-
lamia mahmoud
فعلا يا لميا وهنفضل نحاول ونحاول لانه بجد ما عندناش غسير المحاوله
وزى ما قلت قبل كدا مره منهم هتصيب اكيد
شكرا ليكى انتى وبجد ابقى طمنينى عليكى دايما
شكرا ليكى
:)
إرسال تعليق
<< Home