! ! ! ! ! !

جوايا كلام كتير مش عارفه اقوله ازاى

جوايا الف حاجه عايزه اصرخ بيها

منها الحزين .. ومنها السعيد

!!بس حاسه اسلوبى عاجز

..مش عارف ..مش فاهم

!!مش قادر يقول

!!ما هو اتعود الاستسلام

!!اتعود يبتسم فى هدوء..ويقول من جواه حاضر

!!اتعود انه لا حاجه تخليه يندهش

"ولا يرجع تانى يقول:"يااااااه" "مش معقول

كل شئ معقول وممكن

ومفيش حاجه بعيد حدوثها

! ! ! ! !

!!نفسى ارجع تانى اندهش

"نفسى يحصل حاجه تخلينى اقول :"ياااه معقول دا يحصل

!!ولا حاجه بقت غريبه

!!يمكن عشان الغريب اصبح هو المالوف

!!فكله تساوى ..كله تعادل

* * * * *

!!عارفه ليه حاسه انى متخدره

!!حاسه انى غايبه عن الوعى

!!حاسه انه كان ممكن يبقى لى ردود فعل تانيه خالص

"بس حسانى مش عارفه ليه "منساقه

وده احساس مؤلم اوى

خاصه لما اكون فاهمه انى فى الحاله دى

"واحس انى فعلا "مستسلمه

!! لا بقول لأ

!! ولا عايزه افوق

يمكن اكون كدا مرتاحه

يمكن مش قادره دلوقتى اواجهنى

يمكن هجرحنى لو وقفت هنا

مش عارفه بس مش عاجبنى استسلامى

ولا الكآبه الى سايباها تسيطر عليا

ومش عايزه افوق

عايزه اعيش ده لاخره

يمكن لما اعيشه لاخره اقدر اكون كويسه بعدين

! ! ! ! ! ! ! ! ! ! ! ! !