كل شئ ممزق..ضائع
كل شئ تائه ..مشرد
*********
مشاعرى كلها متلخبطه
ودموعى هى السباقه
*********
عايزه اقفل تليفونى
واقعد فى مكان لوحدى
لا اسمع صوت حد ولا اى حد _كالعاده_يسمع صرخاتى
ولا اى حاجه تشغل تفكيرى
*********
نفسى افقد وعيى ولو لثوانى
عايزه ارتاح من اللى جوايا
عايزه اخرج منى
*********
وجعانى اوى دموعى
*********
جوايا صرخه مش عايزه تطلع
وخايفه لو احررها..تقطعنى اكتر
*********
جوايا حنين غريب لاى حاجه خارج حدودى
*********
عايزه اجرى فى طريق غير طريقى
عايزه اشوف حاجات غير اللى عينى متعوده تشوفها
*********
عايزه اسمع حاجه تانيه
غير دقات ساعتى ودقات قلبى
وصرخاتى واناتى
اللىكلهم محسوبين عليا
*********
عايزه اعيش واحده غيرى
مليتها.. وخايفه اوى اكرهها
*********
صعبانه عليا
بس مش بايدى اى حلجه اقدمهالها
*********
خلاص.. ما انا عندى حق
ما انا جوايا بقالى 25 سنه
تابيده يعنى
*********
يا ترى اللى جاى ممكن يكون اكتر ولا اقل؟
وممكن يبقى غير كده ولا برده هيبقى كده؟
*********
يا رب مالى سواك
!!يا رب ..اانس وحدتى
posted by ساعه الغروب at 27.2.07
30 Comments:
الله عليكي يا رودي ... بجد جنيييلة قووووي ....... حسـيـتـــك بتكتبيني أنا !!!
يااااااااااهـ .... بجد إحساسـك رااائع !
هوا التوهه اللي بنبقى فيها كثيير ، ومش عارفين نعمل إيه !!!
عارفه إيه .......إنتي واحشااااني قوووي ،
ــــــــــــــــبس
ساعات بيقولوا ان الكلام بيتحس
يعني
انا حاسس اني حاسس الكلام ده
بس مقولتليش
انتي حاسه ايه ؟؟
قصدي بعد لم فرغتي اللي جواكي
وبرمجتي نفسك تاني
بعد الفورمات
حاسه بإيه ؟
الو الو الو
ازيك يا رضوى
اخبااااااااااااااااااااااارك
وبتقولي ان انا اللي بتكلم لسانك
اومال تسمي ددة ايه يا رضوي
بجد انتي قلتي كل اللي حاسة بيه
بس انتي في ايه مالك يا ماما
مش بسطاني كدة ليه
ياريت يكون سبب التدوينة دي خير
بما انها اول مرة ليا عندك مش حطول عليكي ومش حقول ..رائع جميل مذهل والحاجات دي..يعني تغيير بقي
بس اللي حسيته فعلا انه بوست صادق جدا
تحياتي يارضوة
بجد بوست هايل والميزة اللى فيه أنه طالع من قلبك وأحساسه عالى قوى
وعلى فكرة كلنا ساعات بنمر باللى بتقولية ده
أنا أول مرة أزور مدونتك بس عجبتنى قوى
ابراهيم واللى معاه
اهلا وسهلا بيك
التوهه الحمد له راحت لحالها
ووصلت ورسيت
وقلبى ومشاعرى ارتاحوا الحمد لله
شكرا ليك
وابقى طمنى عليك
نوفا اخويا
:)
حسيت انى احسن الحمد لله
واللى ريحنى اكتر
رحله اسكندريه
الحمد لله اتوفقت فى مهمتى فى انى افرغ كل
طاقتى السلبيه
الحمد لله
وربنا يخليك ليا
ويديم ليا اخ عزيز
:)
طمنى عليك
على الالفى
حمد لله على السلامه
انت كل ده كنت تايه فى الطريق
:)
ماشى يا عم مقبلوله منك الزياره ومردوده فى اقرب وقت
ويا ريت تكررها
منتظراك
سمرا يا سمرا
يا اختى الى بجد
وحشتينى مووووت
ماتقلقيش يا حبيبه قلبى
انا بخير الحمد لله
بس مش كنت عايزه ارد على التعليقات الا لما اكون احسن
انا كنت بتكلم بجد مش مجامله لما قلتلك انك بجد
بتقولى كل اللى بيبقى نفسى اقوله
وبجد عن قريب هعمل زى ما قلتلك
لو فضلتى تكتبينى كده
انظر المدونات ص 17
هههههههههههههه
طمنينى عليكى
واطمنى
انا بخير الحمد له
احمد يا عيسى
بجد انا تشرفت جدا بزيارتك مدونتى المتواضعه
وشكرا لكلماتك الرقيقه
ويا سيدى ابقى طول براحتك
بيتك ومطرحك
واحنا تحت امرك
شرفنى وجودك وتعليقك
ويا ريت تكررها
bos bos
اهلا وسهلا بيكى
وشكرا لكلماتك الرقيقه
ويا ريت بجد تكررى الزياره
مستنياكى
مش تنسينى
:)
ربنا كبييير
ملناش غيره
حساكي
ازيك يا رودى
ده ردى الأول فى مدونتك
بس مش زيارتى الأولى
انتى ختمتى التدوينة بالحل
يا رب مالى سواك
!!يا رب ..اانس وحدتى
الاحساس اللى تدوينتك بتعبر عنه مش غريب
كلنا بنحسه فى أوقات
بس لازم التفكير ميبقاش تفكير سلبى و تدخلى دوامة
و الكلام هنا أنتى مش حابسه نفسك جواكى لأ دلوقتى فيه حوار بينك و بين نفسك
و لوم و ده متكرر و بيحصل كتير
بس الصح انك تستغلى الحوار ده علشان ترتبى الحركة بينك و بين نفسك علشان يمشى الاتنين مع بعض
تحياتى :)
change desting
شكراكلماتك البسيطه
اللى اسعدتنى جدا
ويا ريت تتكرر الزياره
:)
mohamed gouda
اولا شكرا ليك جدا
لزيارتك مدونتى
وشكرا ثانيا للتعليق
الحمد لله
انا احسن دلوقتى بعد الرحله
:)
الحمد لله
قدرت اعيد ترتيب اوراقى
و وصلت لقرارات كتيره ماكنتش قادره انى انفذها
الحمد لله
وشكرا ليك مره تانيه للتعليق والزياره
وارجو انك تكررها تانى
بجد شرفنى وجودك جدا
:)
رودى
الاول عايز اقولك انك وحشانى اوى
انا كنت قلقان عليكى اوى لما لقيتك قافلة المدونة
ومعرفتش اعمل ايه ولا اكلمك ازاى
وبعدين لما اجى الاقيكى زعلانة كده
خيير يا رودى
ساعات كتييرة اوى كلنا بنحس باللى انتى كتبتيه ده
بس انتى قلتيها
ربنا بيحلها فى الاخر
ملناش غيره
وحشانى بجد
ويارب اشوفك بخير دايما
:)
zordeak
بجد مش عارفه اقولك ايه؟
مش عارفه اوصفلك اد ايه سؤالك اسعدنى
انا كنت تعبانه شويه بس الحمد له
انا بخير وبجد افتقدتكم جدا جدا جدا
ده الميل بتاعى وهو موجود فى البروفايل على فكره
larmes82@hotmail.com
بجد اسعدنى جدا حضورك وتعليقك
وان شاء الله مش هغيب كده تانى
شكرا ليك
لملم جروحك يا حزين وامشي خطوة كمان وتخف الامك تحياتي
نهى محمود
زيارتك طبعا شرفتنى جدا
وتعليقك يشرفنى اكتر
ولو اعرف انك هتزورينى فى البوست ده كنت كتبته من سنين
:)
ارجو انك تكررى الزياره تانى
:)
ده بجد احساس فظيع احساس الغربة
اناعشان حاسس بكل كلمة كتباها فمش قادر اواسيكي او اخفف عنك لاني عارف معناها ايه بس فعلا زي مانتي قلتي في النهايىة الله هو المستعان
عايزه اقفل تليفونى
واقعد فى مكان لوحدى
لا اسمع صوت حد ولا اى حد _كالعاده_يسمع صرخاتى
ولا اى حاجه تشغل تفكيرى
عارفه ده منمكن في مكان كنت اول مره اكتشفه او احس بجماله
على الكورنيش والشمس ضاربه في الميه وانا موبيلي فصل شحن وكنت اتاخرت عن معادي وكل حاجه كانت خلاص
وانا كنت لوحدي قعدت اتفرج على الميه قد ايه شعرت بالصفاء والراجه رغم اننا كنت بحس بالقهر لما اشوف اتنين معديين من جنبي ونفسهم يصرخوا للعالم كله ويقولوا قد ايه همه سعداء
بس ساعتها قلت الحمد لله ان لسه فيه ناس حميله ولسه فيه حب
ومش حقد عليهم لكن قلت اللهم احفظنا واجعله في الحلال
معرفش ليه مكنتش ببص بنظرة حسرة او ندم كان كل شيء بيتحول لرضى وشكر
بجد ده شيء جميل
مش هاطول بس شوفي شخص او انسانه واحده بس بتكوني انتي وهي شخص واحد محدش بيخجل فيكم من الصراحه مع التاني ممكن تخرجي شوية من اللي جواكي
بس برضو الشكوى لغير الله مزله
زربنا يسترها
انا بس جاي مره تانيه اقول اننا في كلام كتير من اللي انا كتبته انا مفهمتهوش
بس فهمة المغزى فانتي كمان سيبك من المكتوب وافهمي المغزى
وعادي ده نوع من ايقاف العقل
؛)
وربنا يسترها
رودى بجد كلامك إللى بتقولية دة أحساسى أنا كمان
مش عارف أقول إيه ؟؟
بس منتظرين الحل
وعادى بقة
أودى
بين الامل واليأس
اولا نورتنى بجد مره تانيه
ثانيا الحمد لله على كل حال
ثالثا
بلاش الحقد ده على مخاليق ربنا
ياسيدى ربنا يهنى سعيد باى واحده هو عايزها
:)
لا بجد جميله اوى نظرتك للامور بشكل ايجابى حتى ولو كان الامر سلبى
يعنى جميل ان الواحد يحول كل حاجه تعباه لحاجه بجد جميله
عموما زى ما قلت المغزى بجد وصللى
و والله فاهمه كل كلمه كتبتها
شكرا ليك لمشاركتى احزانى
و اوقاتى الصعبه
:)
ody911
اولا زيارتك نورتنى بجد
وبالنسبه للى احنا بنمر بيه
انا عن نفسى
حاولت انى اغير من الاحباط اللى كان مالينى
ورحت يوم اسكندريه
والحمد لله رجعت احسن من الاول
يعنى عملت لى ريفريش شويه
والحمد لله جابت نتيجه
بتمنى لك بجد انك تخلص من الاحساس ده بسرعه
ومش يتملكك
:)
تحياتى
من كام يوم كان عندي كلام كتير زي ده ، فكتبت كلمة واحدة مريحة وكلها كوى وكلام وأحلام
يارب
كلها شكوى*
متأسفة على التدخل
بس الجملة دي عجبتني أوي
عايزه اجرى فى طريق غير طريقى
عايزه اشوف حاجات غير اللى عينى متعوده تشوفها
ومبسوطة ليكي بجد بدون سابق معرفة على رجوعك لنفسك
مش عارفه اقولك ايه
مش هكون مبالغه لو قلتلك حسيت بكل جمله في البوست ده
ربنا يهون عليكي ويحميكي
خلي بالك من نفسك
انا ماكنتش باجي هنا بس شكلي هجيلك كتيير
جوايا صرخه مش عايزه تطلع
وخايفه لو احررها..تقطعنى اكتر
----
انا خدت الجمله دي وحطيتها عالماسنجر عندي .. بس طبعا قلبتها رجالي
على فكره .. انا لغاية دلوقتي مخلص بتاع خمخه فيسكافيه وانا باتفسح في المدونة
هتديني حقهم امتى بالصلاتو عالنبي؟؟؟؟
سلاموووووووووووز
إرسال تعليق
<< Home