!!!التاج التاج ..موعوده ياللى عليكى التاج

وصلنى التاج اخيرا وبعد"عدم" طول انتظار

وصلنى "بعيد عن القاررين يارب"من حد عزيز على قلبى جدا

وقبل ما اكتب اى كلمه لازم اشكر البنوته السكرهاللى حبيتها من اول بوست قريتهولها

"العزيزه على قلبى بجد "انجى

معرفتى بيها كانت من البلوج بتاعهامن بوست "عالم الدمى والصمت"وحسيت اد ايه هى انسانه بجد

وكمان التعليقات اللى عندها اثبتت لى صحه تقديرى للانسانه-جدا-دى

وبدون اى سابق معرفه بعتلها ميل ادعوها فيه

لحضور حفل اخويا ومالك الصوت والاحساس الرائع جدا والحنون جداجدا

"على الافلى"فى ساقيه الصاوى بالقاهره

وانتظرت الرد مطولا .. و لما ما رديتش

فقدت الامل فى انى اتعرف عليها بجد

لكنهابجد عملتلى مفاجأه من اجمل الاحداث اللى مرت عليا فى حياتى كلها

ما افتكرش انى فرحت بهديه فى حياتى اد ما فرحت بلقائى بيها

"واللذيذ انها ما كانتش جايه بايديهافاضيه"دايما كسفانا بكرمك

لا دى كان معاها ناس من اجمد المدونين كمان

بجد كل الشكر ليكى يا سمرا

وربنا يقدرنا على رد جمايلك

:)

اسفه للتطويل بس كان لازم اشكرها قبل ما اكتب اى كلمه

ياااااااااااااااااه..قطعتى نفسى ربنا يسامحك

****************************************

الحقيقه هى بعتالى تاج مش غلس ولا حاجه ولا السؤال الوحيد اللى فيه غتت ولا حاجه ابدا

****** *****

المطلوب 5حاجات مش حد يعرفها عنك؟؟؟؟؟؟؟

دورت كتير على حاجات محدش يعرفها عنىوبعد البحث والتنقيب

اكتشفت انى مفضوحه وتقريبا كل الناس تعرف عنى كل حاجه

ودى اخر حاجات عنى ماكنش حد يعرفها

:الاول

"وانا صغنونه كنت بلعب عند بيت جدو مع اصحابى "كنا 3 بنات و3 صبيان

وبما ان بيت جدو كل اللى جنبه فلل.. وطبعا كلهم زارعين من خيرات ربنا ما يسر الناظرين

اشى جوافه واشى مانجه واشى ... واشى............الخ

..وبما اننا كنا بنحب المانجه موووت..وبما ان سور الفيلا لا يتعدى المترين

فاقترحت عليهمان الرجاله "الصبيان اللى معانا"ينطوا جوا الفيلا ويحدفولنا المانجه

!!كراسى ونط وزق المهم بقوا جوا..منجايه والتانيه.. وفجأه

سمعنا صوت كلب لطيف جدا

طبعا احنا الى برا خدنا المانجه وجرينا ورحنا عند بيت جدو نستناهم

وشويه واصحاب الفيلا جايين وجايبين اصحابنا الحلوين بعد ما طحنوهم ضرب

وطبعا محدش فيهم قدر انه يحكى لاهله اللى حصل وقالولهم انهم وقعوا واتعوروا واحنا بنلعب

ولجد دلوقتى كل ما اشوف حد من اصحاب الفيلا دى بحس انه هيجرى ورايا بس بفتكر ان انا الحمد لله ما كنتش معاهم

انا كنت محرضاهم بس

بس انا والله كانت نيتى طيبه

بغض النظر عن السرقه او انهم اضربوا او انهم اتعوروا او انهم فضلوا يومين مش يلعبوا معنا

ايه يعنى ما كنش قصدى وبعدين انا اى حاجه اقولها كده يعملوها من غير تفكير

نداله دى مش كده؟؟

:الثانى

وانا فى ابتدائى كنت بجرى ورا واحد زميلنا كان عفريت جدا و ق بلا ما امسكه بثوانى

خلاص همسكه اهو..اتشقلب فى الهوا شقلبه غريبه جدا ..خبطنى قى وشى برجله

و فقت وانا مطروحه ارضا ودقنى وايدى مجروحين

وطبعا كنت بحاول اخبيهم من البيت عندى باى شكل

عشان بابا مش ييجى ويشتكى للمدرسه ويرفدوا أحمد

اصله كان زى العسل والفصل من غيره مايسواس

حب لبتدائى باه ..ف5اكرينه ده؟؟

:الثالث

كنا فر رحله تبع شغل بابا وانا فى اولى /ثانيه اعدادى كده

وكنت لسه مش محجبه باه ولابسه بنطلون

"trois quart" تلت اربع يعنى بالعربى

وانا بتمشى فى النادى اللى كنا فيه واذا بحاجه غريبه جدا كده فى الارض

وهى ايه بأه؟؟

الحاجه اللى بيحطوا فيها الشمسيه دى اللى هى طولها بيبقى 6 سم ارتفاع عن الارض

عارفينها؟؟ وكانت طروفها مصديه وتجنن

وعديتها قلت خبطه وهتروح لحالها

ولما وصلت لمكاننا

كان الصندل اللى اصله كان ازرق اصبح كله احمر يجنن

طبعا جريت وغسلت رجلى ولقيت جرح طوله تقريبا كده 8 او 9 سم

طب اعمل ايه بما انى بكره الجراحين والخياطه والدوشه دى

وبما ان ماما بتطلع دايما الرحلات بلبس احتياطى

جريت وغيرت البنطلون ولبست بنطلون طوييييييييييل

بس على مين بابا واحنا نازلين الجوله الحره لمحها

"ولقيته بيصرخ فيا "ايه دى؟؟

وطبعا كان لازم اعمل هبله

وقلت مش عارفه

وطبعا ما دخليتش على بابا

ازاى جرح بالمنظر ده ومش احس بيه؟؟

"المهم قضيناها بلستر جروح "ماهى مش ناقصه حقن تيتانوس وكده

ولما وصلنا بورسعيد بابا ودانى للجراح بتاعنا

ل مش زى السواق بتاعنا ولا حاجه

بس اصل العيله اخداه عموله

وطبعا عمو الدكتور كان طيب موووت وقال لبابا ما دام اليوم كله عدى على خير ما تقلقش

وغيرلى عليها واتقضت

سامحونى للتطويل

واحمدوا ربنا انى مالقيتش غير الحاجات دى بس

وسامحينى يا سمرا مش لقيت غير التلت مواقف دول

بس

وعموما لو لقيت حاجه تانيه افضح نفسى بيها

هرجعلكوا هتروحوا فين يعنى منى