!!!أنا جيت تانى
أنا اصلى كان عندى حاله غريبه جدا
بدعى لكل الى بيمروا بيها انهم يتجاوزوها بسرعه
وانا الحمد لله بخير
وراجعه تانى اصدع الناس اللى بجد شكرا ليهم
لانهم استحملونى وعبرونى
و وقفوا جنبى
*****
"الصديق وقت الضيق"
"افضل ا ن امشى مع صديق فى الظلام على ان امشى وحدى فى النور"
*****
وللى ما وقفوش كمان
شكرا ليكم بجد
*****
"لا شئ اضيع من موده تعطى لمن لا وفاء له"
"كلما ازددت معرفه للناس كلما ازداد حبى لكلبى"
**********
وشكرا
*****
posted by ساعه الغروب at 14.3.07
20 Comments:
اعتذار خاص جد اجدا
وسريع جدا جدا جدا
لاخويا "سوبر نوفا"
انا اسفه جدا انى اتاخرت اوى كده فى الرد على التاج اللى كنت مررتهولى من شهور تقريبا
-ايموشن الوش المكسوف-
بس ولا تزعل
خد عندك البوست اللى جاى فى السريع
:)
ولا يهمك يا رودي جاوبي براحتك مش حغلس عليكي
المهم ان مودك دلوقتي بقا احسن
:)
ايموشن اللي بيبتسم
امممممممممممم
غريبه حكايه الكلب دي
مستنياكى تكتبي
18goosebumps
ليه غريبه يا جوسى
هو من صفات الكلب انه وفى ومخلص برده؟
ما اعتقدش ان الصفه دى لسه موجوده بوفره كده فى الاصدقاء
:)
عموما مش هنختلف كتير
ولا يهمك
نورتينى
حمد الله على السلامة
والحمد لله على ذهاب هذا الموود المنتشر فى المدونين وغير المدونين
إدعيلنا يا رودى
وعادى بقة
أودى
الأول الحمد لله انك خلاص رجعتي تكتبي
سيبك من اي مود يضايقك
واوعي تخليه اهم حاجه يمنعك عننا
المفروض اننا اما نتضايق نلجأ لبعض ونحكي لبعض مشاكلنا وصدقيني هتلاقي الف ودن تسمعك والف عقل يفكرلك في حلول
المهم اننا منبقاش لواحدنا
احنا المفروض نتعامل علي اننا عيلة
صدقيني ياساعة الغروب كلنا كده معدش لينا غير بعض
رجوع مبارك
اتمني ان يكون المزاج تمام للكل
منتظرين جديدك
تحياتي
ody9111
الله يسلمك
وشكرا ليك
و والله بدعى لكل اللى بيمروا بالفتره الصعبه اللى كنت بمر بيها
والحمد لله
وعادى بأه
؛)
دكتور مستكنيس
اولا اهلا بيك لاول مره عندى
ثانيا انا كان نفسى طبعا احكى كل اللى مضايقنى
بس على راى منى زكى فى فيلم سهر الليالى
ساعات الكلام بيجرح اوى لما نقوله او نفضفض بيه
فكان الافضل انى اسكت
يلا الحمد لله ان الايام دى عدت على خير
والحمد لله انا اتعرفت على ناس كتير عن طريق المدونه
بقوا اكتر من اخوات
وربنا يديم الاخوه اللى بيننا
:)
وارجو انك تكرر الزياره
وعلى فكره البوست اللى طلبت منى
انى اكتبه عن اصدقائى اللى حكيت لك عنهم عندك فى المدونه
فى طور التحضير
لانهم بجد يستاهلو ولانى نفسى بجد من يوم ما عملت المدونه انى ا كتب عنهم
ردا على جمايلهم الكتير معايا
:)
كراكيب عادل
اهلا بيك فى مدونتى المتواضعه
وانا الحمد لله بخير
وشكرا ليك
واتمنى انك تكرر زيارتك مره تانيه
:)
انا مش هاعاتب اننا زعلان عشان جيت متاخر لا انا جاي
ازغرط
لولولولولولولولولولوليييييي
الف الف مبروك يارب تكوني فتحة خير على باقي المدونين وتعدي العيمة دي على خييير يارب
ونرجه تاني نغني جت على بالي محمد فؤاد
نحلم على كيفنا
نغلب عذاب خوفنا
نرسم على كفوفنا قلبين وسهم اترمى
مايهمناش الليل ولا الفف جرح وويل
طول مالحياة بتميل نعدلها واحنا سوى
كل الجراح بتعدي والعمر راجع وردي
يارررب
وربنا يسترها
روووووووووووووودي
هي الظاهر شوطة يا بنتي
نحزن في وقت واحد
ونتعب في وقت واحد
ونقفل مدوناتنا في وقت واحد
ونرجع برضه في وقت واحد
دة ايه الهم دة
هههههههههههههه
مبروك يا حبيبتي عليكي العودة
وانتي عارفة انا بحبك اد ايه بجد
بجد مبروك انك رجعتى تانى
يارب أنا كمان أرجع أصلى تعبت قوى بجد ومش عارفة أعمل أيه
حمد اللهه علي السلامة
هو انتي كمان كنتي مبتعدة
دي شكلها كانت عدوي
الحمد لله
ومتشكر علي سؤالك
وعلي تعليقك
تحياتي
ياريت تزروى مدونتى فيه موضوع عن الرسول وفكرة كده عايزين ننفذها شوفى الموضوع والأقتراح وردى عليا وياريت تقدرى تساعدينا
إزيك يا رودي يااااا جميييــــلة
أنا سعيد بمعرفتـك فعلاً
وعاجبني ف البوست ده كلمة :
افضل ا ن امشى مع صديق فى الظلام على ان امشى وحدى فى النور"
حمد لله على سلاااامتـك يااا قمر
وربنا يخليكي ليـــنــا
بين الامل والياس
اولا شكرا ليك طبعا
وثانيا
شكرا على الاغنيه
لاننا لازم نحلم على كيفنا
لاننا
"لو بطلنا نحلم نموت"
وعلى رايك
ربنا يسترها
:)
حمد الله عالسلامة
انا قلت اجى اسلم بس
انا مشغول جدا فى الامتحانات زى منتى عارفة
بس قلت مينفعش ادخل النت ومسلمش
انا ضفت ايميلك صحيح
مش عارف بقى قبلتى ولا لأ
سلااااااام
:)
لا شئ اضيع من موده تعطى لمن لا وفاء له
بس فعلا ده غريب جدا انى اسمع الكلام ده منك يا رودى
ربنا يعديكي من كل اللحظات الغامقة على الف الف الف خييييييييييير
حمد الله علي سلامتك..كل ماجي لالقيكي مش موجودة هي عزومة مراكبية بقي ولا ايه
واضح انها حالة عامة عدت علينا كلنا الحمد لله انها غارت في داهية
مستنيكي تردي الزيارة بلاش الحركات دي
يلا سلام
zordeak
بجد انا مبسوطه جدا
لانك بالرغم من انشغالك بالامتحانات
الا انك مش حرمت الناس اللى بتعزك بجد من زياراتك
بجد مبسوطه جدا انك طمنتنا عليك
ربنا يوفقك
وعلى فكره بالنسبه للايميل
ده شرف ليا بجد
مش تنسانا وطمنا عليك دايما
:)
على الالفى
اولا شكرا ليك للتعليق اخيرا
:)
وبالرغم من انى مش فاهمه
اللى انت قلته ده مدح ولا زم
الا انه بجد شكرا ليك
ومنتظره زياراتك
:)
احمد عيسى
شكرا ليك طبعا
وليك حق تزعل
انا عارفه انى مقصره جدا
وعارفه انى بعدم المتابعه بجد فايتنى كتير اوى
بس انتظرنى افوق شويه من الحاله اللى متملكانى دى
وصدقنى مش هكون ضيفه بس
لا ده انا هكون ضيفه غلسه دائمه التواجد
شكرا ليك
:)
إرسال تعليق
<< Home