!!لسه جوايا كلام ليكى

ما عنديش كلمات اعرف اعتذر بيها

عارفه انى جرحتك اوى..وقصرت اوى فى حقك

ابسط حاجه قلت انى هعملها..ما عملتهاش

كل ظروف اليوم كانت ضدى مش معايا

صديقه ليا اكيد انتى عارفاها

كان عندها ظرف ماكنش ينفع اسيبها فيه

فارجوكى تسامحينى فى تهاونى فى تقديم حتى ولو كلمات ليكى

انا عارفه انك حاسه بيا

عارفه انك مقدره انا اد ايه مشتاقالك

بجد وحشانى اوى

كان نفسى ادوق دفا حضنك

كان نفسى نبضات قلبى تطمنى وانا فى حضنك

كان نفسى ما يمسحش دموعى غير ايديكى

...كان نفسى

...و كان نفسى

مش قادره بجد اكمل

واكيد انتى حاسه اللى بيا

والكلام بجد اصغر واقل كتير من اللى نفسى اقولهولك

********************************

كل سنه وانتى فى قلبى

كل سنه ولمساتك_اللى كنت بتمناها_ماليه كيانى

كل سنه وانا فاكراكى

ووانتى جوايا

كل سنه وانتى ساكنانى

كل سنه وانتى فى نعيم الجنه

كل سنه وانا حاسه بيكى برغم البعد وحتى انعدام الذكرى

"كل سنه وانا بناديكى "تصبحى على خير يا امى

يا رب ما اكون زعلتك

ويا رب اكون راضياكى

كل سنه وكل ليله وانا _بتخيل انى_ببوس ايدك

كل سنه وكل ليله وانتىى بتكفكفى دموعى الشريده

كل سنه وكل ليله وانا بحبك يا امى

..يا ماما ..يا حبيبتى

بحبك يا امى .. و واحشانى اوى اوى

اوى اوى اوى

...مهما كتبتها مش هتوصف اشتياقى

......لحضنك

نفسى تضمينى حتى ولو فى احلامى

بحبك اوى

مفتقداكى اوى

اوى

اوى

اوى