يا بكره

هستناك يا بكره

تيجى بشمس لونها اصفى وانقى من شمس امبارح

تيجى بقمر اكبر يساع كل كلامى وحكاويه

تيجى بنجوم اكتر لانى بفرح اوى بيها

يا قلبى الحزين

مجروح صوت الأنين جواك

مكتومه كل الآهات

محبوسه كل الدموع

مخروسه كل صرخه

عالى صدى صوت المرار

صارخ طعم الحزن فى ملامحك

قاتل خوف السنين جواك

محاولات

!!كتير بشوفنى فى انعكاسى حد تانى

ساعات بلاقى الأمل فى عنيا وجوايا مالينى اليأس

!!محاوله منى للتصبر !! يمكن

***

وكتير بلاقينى بتنطنط من الفرحه وبيطفو على سطحى الحزن

!!محاوله منى لاستحضار الطفوله !! يمكن

***

وكتير بشوف ايدا ممدوده وحاضنه الفضا مع انى فى نهايتها شايفه بوضوح "قروح "القيود

!!محاوله منى للتحرر !! يمكن

***

بجد و بمنتهى الصدق

ومن كل قلبى

آسفه