يا طائر النورس

يا طائر النورس

يا ملك طيور البحر

بحب رفرفتك وطيرانك

بحب زقزقتك والوانك

بحب حريتك وبحلم بيها

بحلم اكون زيك

اسافر لكل مينا

وارجع بحنين مالينى

لبلدى و بحر بلدى

لناسها لحنانها لرملها

لغروبها وشروقها

بحب اشوفك وقت العصارى

فوق احلى لون شفته ف بلادى

فوق بحرها اللى مفيش حاجه بتقدر تبعدك عنه

حتى لما بتبعد عنه وتنطلق لسماها

بترجع تانى

وساعتها بحس ان رجوعك مش لصيدك ولطعامك

ده بس لأشتياقك للبحر زيى

ساعات كتير بحلم بنفسى زيك

بيتى هو السما والبحر

ومفيش حاجه بتملا فكرى غير طبيعتى

يا أكون فى السما يا أكون فى البحر

!!!ياااه اد ايه عيشتك رقيقه وجميله وهاديه

يا طائر النورس ياللى كتير بحلم بحلمك

و بحلم بحريتك

وبحلم اكونك

انعم بجنتك وعيش معناها

ده مفيش فى الدنيا احلى من بحرها وسماها

رضوى

تخاريف شتوية

تخاريف شتوية

هل الشتا بمعانيه وكلام كتير بفتكره..

كلام من بعيد وكلام من قريب كله بيتعاد من تانى ..

مع أول نقطة مطر كل ذكرى للشتا يوم عشتها

بتجرى وترتمى فى أحضانى

شله أصحاب وجامعه وأسره لمانا..

ندوه ومحاضره وغنوه كانت معانيها جوانا..

وفطار بنقسمه ما بيننا لجل العشره والذكرى

وقلم بنكتب بيه فوق كل مكان يقابلنا اسم شلتنا

وشجر نحفر عليه معانى غنوتنا

وحب قديم يمكن يكون اتنسى مع مرور الزمن

وكشكول قديم بله المطر وانا بدون فيه ذكرى مرت فى الشتا

وصديق قديم علمنى فى يوم ازاى اغسل همومى تحت شلال المطر

وبحر عميق بيضم أحزانى وياخدها الموج ويبعتلى مع كل شروق

ضحكه رقيقه ارسمها فوق شفايفى واقابل بيها بكره

عشان اقدر ارسم من تانى ذكرى

اكتب عنها فى يوم ما يدق ناقوس الذكرى فيه على ذاكرتى

واكون سعيده برسم الذكرى أدامى

وألاقى أحلامى واشوف ايه حققته منها وايه لسه باقى

وادعى ربى مع نزول اول قطره مطر انى احقق كل حلم حلمت احققه فى بكره

رضوى

الى أمي

الى أمى التى غابت عنى بعد ولادتى بعامان

ولم تأتنى بأحلامى الا مرتان

.......

ليه يا امى القسوه ديا

ده انت امى ونور عنيا

ده انت دنيا وردى ليا

ليه يا أمى؟؟

امسحى مره دمعة عنيا

طبطبى على ضهرى مره

ده الدنيا قاسيه وانت غنوه

الدنيا وحده وانت عالم

الدنيا فانيه وانت نبضى

هيعيش لاخر لحظه فيا

حبك حبيبتى ما بينتهيش

مهما قسيتى راغب يعيش

مهما رفضتى ما يملكيش

حتى لو انت ما بتحبينيش!!

انا بنتك يا أمى ولا نسيتينى

بنتك يا أمى ومهما السنين

مرت على قلبى الحزين

ما بينساكيش..ما بينساكيش

تعالى مره فى حلمى مرى

تعالى مره لجل خاطرى

تعالى اجرى ولقلبى ضمى

تعالى ليا يا ساكنه عمرى

تعالى ابوسك تعالى اشوفك

تعالى املا عينى بشوقك

تعالى ليا بحنان هدوءك

احس نبضك احس حبك

احس حتى زعلك و لومك

تعالى ليا لحظه واحده

تعالى طلى ولو طله واحده

تعالى ده انت يا أمى واحده

وانا عايشه وحدى فى عذاب ووحده

تعالى ليا يا أمى ياللى

فى الدنيا انت حلمى ووعدىتعالى ليا يا أمى ياللى

نفسى اضمك وتبئى ضلى

تعالى ليا يا اعز عندى من كل حبى وكل عمرى

بعادك لم يحدث

بعادك لم يحدث
رغم الآلام حبيبى والأحزان
رغم البعد حبيبى والأزمان
أسمع خطى جوادك الأسود
يأتينى عبر الدروب والأمكنه
لتعيننى خطواته الرشيقه
عما اعانى فى بعادك
بعادك؟؟
وأين هذا؟؟
أين هذا و أنت تسكن أضلعى
عيناك تسكن أعيتى
دفء لمسه يداك يسكن أناملى
كفيك يحيطانى بكل مكان أذهبه
بعادك .....بعادك لم يحدث
يا من تغيب عنى بداخلى
أنتظرك حبيبى
عبر السنون والأزمنه
فأرجوك أسرع
فكم قد اشتقت اليك
كم هو جميل
لو كنت بقيت بجوارى

كل حاجه مالهاش طعم

كل حاجه مالهاش طعم
كل حاجه قاسيه
حتى السما
حتى البحر
كل حاجه عيونها ساكته
زى ما تكون ميته
كل حاجه مالهاش مشاعر
كل حاجه حزينه صامته
كل حاجه واقفه ساكنه
كل حاجه دموعها ساكته
كل حاجه مستسلمه متخدره
كل حاجه جامده متكبره
كل حاجه بارده زى الرخام
ساكته حتى الزحام
ناس بتضحك وجواها جمر من نار
و ناس بتبكى جواها بحر ما لوش قرار
وناس ماشيه لا عارفه بكره ولا النهارده ولا حتى امتى كان امبارح
وناس فى عيونها حسره
وناس فى قلوبها قسوه
وناس ما بين ده وده ملعونه الف مره
يا ناس يا قاسيه
يا ناس يا حاقده
يا ناس يا ساكته
كفايه قسوه
كفايه غربه
دى الدنيا مره
هنعيشها مره
خدوها حكمه
خدوها حكمه
عيشوا فى قلوبكو رحمممممممممممممه