محتاجانى اووووووووى

"ما بحبش ابان مغلوبه ضعيفه وصورتى فى نظر الناس تتهز"

"ولا حد يشوفنى يقول مسكينه يا عينى ومالهاش حظ"

"واضحك وكان الضحكه بجد مش محتاجه طبطبه من حد"

" ما انا لو بنكسر جوايا مش عايزه فى نظر الناس اتهز"

***

**

*

احببتك يا جرحا عمقه من عمرى

***

بقى بينى وبينك عشره عمر

عارفه سنك وكل اللى جواك

حباك ومش رفضاك

مش معترضه على وجودك

ولا ناسياك

بس كفاياك

كفاياك تفكرنى بانك دايما هنا

ساكننى

مهما بحاول اداريك واقول انك مش موجود

الكل حاسس بيك

شايلاك بين ضلوعى من سنين

ومش عارفه اتجاهلك

بس عارف

:)

بقيت مش بضايق منك

انا بس كل اللى عايزاه

تختار اوقاتك

ما تجيش فى وسط فرحى وتالمنى

ما تفاجئنيش اثناء لحظات سعادتى

استنى اللحظه تعدى واخد منها الذكرى

وتعالى تانى احس بيك

"اعيش معاك بين دموعى واقولك الف مره "بستنى فراقك

اه يا جرح عشت معايا سنين العمر

كل سنه بتبقى اعمق

ومش عارفه المس نهايتك

كل سنه بتكبر معايا

بس عارف

:)

يمكن

المشكله

انى

بقيت

*

*

*

بحبك

:)

عايزه اروح المدرسه

اه انا عايزه اروح المدرسه

عايزه اقابل اصحابى كل يوم

عايزه اقف فى الطابور واغنى لمصر

واغنى اغنيه عن معنى الصداقه

واقول لاصحابى عملت ايه البارح فى الواجب اللى كان كتير اوى

وانى كتبته بخط وحش لانى ما كنتش لاحقه اخلصه

واقولهم انهم وحشونى فى يوم الاجازه

واقعد جنب صحبتى اللى بحبها اوى

واديها قلم زى اللى اشتريته البارح لنفسى

ولما تيجى الفسحه نحط مصروفنا على بعضه

ونجيب حاجات زى بعض

وناكل سندويتشاتنا وبعدين نلعب مع اصحابنا

ونطلع تانى نكمل حصصنا

وناخد ايه كريمه او نص صغنون

يعلمونا ازاى نتصرف

وجمله جميله بالفرنساوى معناها بحب اصحابى

وناخد رسمه فيها طفوله وفيها براءه

وناخد حصه موسيقى نعزف فيها لحن نشيد بلدنا

وفى اخر اليوم

اسلم على اصحابى

واجرى لبابا ياخدنى فى حضنه

واسلم على الدادا الطيبه واديها بونبونايه صغننه من اللى انا اشتريتهم

واروح اسلم على ماما

واتغدى وانام

واصحى اعمل واجبى واحفظ الايه الكريمه او النص الصغنون

والجمله الجميله عن معنى الصداقه

واورى لبابا وماما الرسمه

واحكى لهم على حصه الموسيقى

وعلى اللى عملناه فى الفسحه

وادخل انام بعد ما ابوس بابا وماما

من غير كوابيس

وانام على طول من غير تفكير

واصحى وانا كلى نشاط لبكره الجميل الجديد

اللى هقابل فيه اصحابى الطيبين اللى بحبهم اوى

**--**--**--**

وحشتنى اوى الحصص

وحشنى اوى الاساتذه

وحشنى جرس الفسحه

وحشنى طابور المدرسه

ووحشنى اوووووى الواجب

وحشتنى الصور والاقلام الالوان اللى كنا بنسطر بيها الكراس

الله... بجد يا ريت كنا نقدر نفهم معانى كتير اوى فى الايام دى

كان عقلنا يمكن صغنن

بس فرحنا كبير

لان همنا صغنن وحلمنا جميل

كل سنه وانتى معانا

من يوم ما عرفت تاريخ ميلادك وانا محتاره هكتب لك ايه او هعمل لك ايه؟

وفى الاخر استقريت على انى هكتب الكلام اللى هحسه لما افتح مدونتى

وفعلا دا اللى حصل

...

كل سنه اونتى بخير وصحه وسعاده يا احن واطيب انجى على وجه الارض

كل سنه وانتى قريبه اوى منى ..يمكن اه ما اتقابلناش غير مرتين بس المهم بجد هو الاحساس

احساسى بانك حد قريب منى اوى ..حد بيسمعلى اوى لما ابقى عايزه اقول

واحساسى بقدرى عندك..وانه مهما كان فيكى برضو بتسالى

...

بجد ربنا يديم اللى بيننا ويديمك ليا اخت قريبه منى رغم البعد

يا رب يا انوج تحققى كل اللى بتتمنيه

اول مره لما شفتك ما صدقتش انه انتى لبيتى دعوتى ليكى وجيتى ولما فقت من الصدمه اللى كانت احلى صدمه فى حياتى وسلمت عليكى حسيت انى اعرفك من زمان اوى

اليوم دا بجد انا مش بنساه ابدا..كان يوم حلو اوى..كان يوم حفله اخويا الغالى عليا اوى والصوت الرائع بجد على الالفى

انجى بجد بتمنى لك من كل قلبى ربنا يسعدك ويهنيكى مع الى اختاره قلبك ويكتب لكو كل ما فيه الخير ليكو

سامحينى على الكلام القليل اوى دا والى ما وفاكيش قدرك بس بجد اللى جوايا ليكى اكبر اوى من انه يتكتب

بحبك اوى

ربنا يسعدك

كل سنه وانتى بالف خير

* * * * * * * * * * * *

هام جدا

حفله اخويا على الالفى مع ايامنا الحلوه

يوم الجمعه الموافق 16/11/2007

ربنا معاك يا على ويوفقك باذن الله

كل سنه و مدونتى طيبه

بما انه عدا على بيتى من العمر سنه وشهر

فحبيت انى اشكر كل حد زارنى هنا فى ييتى

سواء زارنى وخفف او زارنى وساب علامه على وجوده

شكرا لكل حد اتعرفت عليه عن طريق مدونتى و كان نعم الاخ او الاخت

شكرا لكل حد شاركنى فى يوم حزنى او فرحى

***** *****

انا مبسوطه اوى انى دخلت العالم دا

ولو انى من يوم ما اتعرفت فيه على ناس وانا حاسه انى ولا عرفت فى يوم امسك القلم اصلا

بس اهو يمكن من تواجدى جنبهم ومعاهم اقدر اتعلم ويمكن فى يوم اوصل

شكرا على صبرهم عليا

:)

احساس بشع بالعجز

بجد منتهى الاحساس بالعجز

لما يبقى فيه حد انت بتحبه اوى اوى اوى

وهو بيتالم اوى وبيتعذب اوى نفسيا وجسديا

وانت مش قادر تعمله حاجه

بجد احساس اد ايه صعب

ربنا يشفى جميع مرضانا ويخفف عنهم الامهم