اقناع القلب اسهل ام اقناع العقل
تدريب القلب على الفرمله على انه ما يحبش؟
ولا تدريب العقل على انه يرفض التعود على وجود حد؟؟
؟
دايما كنت بقول لنفسى انه التعود على وجود حد_خاصه لما تغلبك الوحده_بيبقى العن بكتير من حبه!!!؟
؟
اصل الحبيب لما فى يوم يملانا اليأس وبنبقى لازم ننساه
بنحاول نفتح عنينا على كل عيوبه اللى داريناها زمان عننا عشان نحبه
او نفتكر حاجات تخلينا نقاوم حبه وننساه او على الاقل نبعده عن مساحه تفكيرنا فى حبنا ليه
او يمكن بنخلق اسباب وهميه بس المهم اننا بنحاول بكل الطرق نعالجنا منه
!
!
!
1
لكن التعود...ايه علاجه؟؟
؟
!
*
ما هو احنا لما بنبقى مواجهين نفسنا اوى انه مش حب
وانه الشخص دا مش لازم يعمل كذا وكذا ولا مطلوب منه كذا وكذا
بس لازم يكون موجود ايا كانت تصرفاته او كلماته او معتقداته
يعنى بنتعود على وجوده وحتى وجود عيوبه وبنبقى راضيين عن دا اوى
فازاى يبقى العلاج؟؟؟؟
بتبقى صعبه اوى فتره النقاهه اللى بتبقى بعد بعد الحد القريب اوى اللى كان موجود على طول
!
!
!
!
!
"نفسى اتعلم افرمل عقلى زى ما اتعلمت افرمل قلبى"
كل سنه وكل حد هيعدى من هنا او حتى مش هيعدى طيب وبالف خير
كل سنه وكل حد عرفته من هنا او حتى مش من هنا قلبه مليان بالسعاده والحب
كل سنه وانتو طيبين
posted by ساعه الغروب at 14.12.07
15 Comments:
وكل سنة وانت بألف خير ...
وبجد اثرت موضوع جيد.. كيف تفرمل الاعتياد... يقولون ان العادة هي الطبيعة الثانية لشدة قوتها ورسوخها...
واذا اعتدنا على انسان معين والفنا وجوده صعب علينا ان نختار قرار الترك...
دمت بكل ود..
خالص تحياتي
عشان كدة في كتير قوي من الاوقات العتياد بيتحول لحب
بمنتهي العقل دون تدخل المشاعر...الحب عبارة عن سيمفونية متكاملة عقل بيفكروقلب بيحس..مجرد انهم انفصلو..تلاقي العقل بيفكر لوحده ولانه المفروض الاقوي بيسيطر علي المشاعر
اللي بيوجد المشاعر دي بقي...؟؟؟
تعود الانسان علي ان في حد جنبه..لما بيقع عارف انه حيسنده ولما حيحتاجه حيلاقيه جنبه
الموضوع بقي مش فرملة عقل او قلب...الموضوع كله اننا لازم نحط في دماغنا ..حياتنا كلها عبارة عن حلقات جوه بعضها ..بتكبر وتكبر وفي الاخر..بتنتهي..الدنيا مش بتقف عند حد ولازم حنستمر..حتي لو في جرح او الم او عدم اعتياد المفروض انه ميوقفناش
المفروض نكون اقوي من الالم
المفروض
كل سنة بقي وانتي طيبة وانا بحبها بالدقة والشطة..اللي هي الفتة طبعا
كل سنه وانتي طيبة يا رودي
عيد سعيد
خروووووووووف بيمأمأ
سعيد
السلام عليكم ورحمة الله وبركاته
..........................
بنجوووووور:) فرنساوى ده يا مرسى :D
كل سنة وانتى طيبة وعيد سعيد عليكى وعلى المسلمين جميعاً
بخصوص البوست ده بصراحة مش لاقى تعليق مناسب بس عيسى معلق عليه كويس وانا معاه فى الرأى
تحياتى
عيد سعيد وليا زيارة تانية ارد فيها علي البسوت ده
كل سنة وانتي طيبة
كل سنة وانتي طيبة
____
موضوع اقناع العقل والقلب
المفروض العقل ميقتنعش الا بالصحيح
ولو ده حصل
يبقي القلب ممكن يحب ساعتها
وبس كده
(:
كل سنة وانت طيبه
ويارب يكون عيد سعيد عليكي
---------------
طب هو ليه الحد ده يبعد أصلا
المفروض انه صديق
ايه اللي يخلينا نخسر صديق او نبعد عنه؟
كل سنه وانتى طيبة
وفعلا كلامك صح الواحد لما بيتعود على حد صعب يتخيل حياته من غيره
وفعلا الحكاية بتكون صعبه ومحتاجة حل سريع
تحياتى لكى
كل سنة وانتى طيبة يا رودى وعيدك سعيد
معلش جاية متأخرة بس النت بقاله شوية كتيير فاصل
كل عيد وانتى بخير
____________________
اما بالنسبة بقى لموضوع البوست فده عايز مناقشة كبييرة
التعود على حد اصعب من حبه
ايه اللى يخلينا نقارن اصلا؟؟
التعود على حد بيعنى ان الحد ده صديق والمفروض انه يكون موجود طول الوقت
تمام
وحب حد يعنى الحد ده مش محتاجينه يبقى جنبنا طول الوقت ؟
انتى هتقولى انى مقريتش كويس ومفهمتش قصدك ان اللى بنحبه ممكن يروح وممكن نتعود بعدها على فراقه
بس انا قريت كويس
مش المفروض اننا نقارن
الصديق او الحد اللى احنا متعودين انه يبقى جنبنا مبتبقاش العلاقة علاقة دماغ وبس
برضه احنا بنكون بنحبه ولما بنبقى عايزينه جنبنا ومش بنلاقيه قلبنا هوا اللى بيتوجع
الحالتين يا رضوى فيهم الم ووجع
بعد الحبيب
او بعد الصديق
مفيش واحد فيهم اصعب من التانى
وفى الحالتين الحد ده بيبقى قريب اوى ومبنقدرش نستحمل خسارته
الموضوع محتاج مناقشة كبيرة اوى ومش هينفع الكلام هنا
وعايز اعرف فيه ايه ؟
_______________________
كل سنة وانتى طيبة وعيد سعييد
:)
صحيح بتبقى صعبة قوي انك تتعودي على عدم التعود...بس زي مابيقولوا طول ما الزمن ماشي كله بيعدي
الكلمة دي بقت شعاري في الحياة مؤخر وده ان دل على شئ يدل على قلة حيلتنا كلنا مش شرط انا بس
ممكن نتكلم كتير جدا ونحاول نلاقي اسباب ونحلل تصرافتنا او تصرفات الي حوالينا بس في الاخر كله مش هيتعدى مرحلة الكلام
اما الي بيحصل فعلا اننا نسيب نفسنا للزمن
وبرغم كل حاجة
كل سنة وانتي طيبة برضو
كل سنة وانتى طيبة يا قمر
وعيد سعيد
ودى يمكن اول زيارة لمدونتك الجميلة لكن ان شاء الله ماتكونش الاخيرة
لان البوست ده رائع وكشفلى جانب انا ماكنتش واخدة بالى منه فى علاقتنا باللى حوالينا
او بمعنىاصح الجانب اللى ماكنتش عارفة افسره بايه
وانتى دلوقتى فسرتهولى بانه " التعود" ....ء
هتشرف جدا بزيارتك لمدونتى
تحياتى
شيماء
أزال أحد مشرفي المدونة هذا التعليق.
osama
اولا شرفتنى زيارتك جدا جدا
وعجبتنى مدونتك جدا جدا كمان
وشكرا جدا على تعليقك
ويا ريت فعلا تكرر الزياره
بس عندى تعليق صير اوى انه قرار الترك هو مش بيقى قرار اوى هو بيبقى اضطرار دنيوى بحت
ودا الى بيبقى صعب اوى فيه
شكرا ليك جدا
:)
*-*-*-*-*-*-*-*-*-*-*-*-*-*-*-*-*-
احمد عيسى
هو انا مش قلت انت بالذات من ساعه بوست المدرسه دا ما تعلقش هنا تانى
هههههههههههههههههههههههههههههههه
ولا بلاش بقى خلينى انا الاحسن
عموما تعليقك عندى يشرفنى دايما
بص يا استاذ ااحمد انا هرد على تعلقيك هنا ونبقى نتناقش المناقشه الكبرى باذن الله على الهواء او على النت مباشره
انا عندى اقتناع تام انه اللى عايز يفرمل نفسه سواء عقليا او قلبيا لو هو حد عنده الاراده الكافيه يبقى فعلا هيقدر يحقق دا
وانه فيه اوقات مش لازم نطلق العنان لقلوبنا ولا لعقولنا عشان بيقى فيه قيود اكبر اوى مننا ومن تفكيرنا وا مشاعرنا
ولازم نعتبر للقيود دى
اعتقد دا ردى الموجز على تعليقك وان شاء الله هنتناقش فى دا
شكرا ليك
ما تبقاش تغيب اى كدا فى تعليقاتك هنا
:)
زحل الفلكى
اخويا العزيز جدا جدا
يا رب ايامك كلها تبقى سعيده
وتكون دايما بخير
ربنا معاك ويوفقك لكل ما فيه الخير ليك
*-*-*-*-*-*-*-*-*-*-*-*-*-*-*-*-*-*
yhyيوسف المصرى
اونت طيب وبالف خير
ماشى ماشى
اوك بما انك متفق معا احمد عيسى فيبقى انت كمان محتاج مناقشه للاقناع
فكرنى اوك
:)
ميرسى ليك
ويا رب دايما تكون بخير
عايزة اقولك كل سنه و انت طيبه .. عديت عندك متأخر قوىىى ؟؟ عارفه :))بس معلش
late better than never
و انا مبسوطه انى فى الاخر تصفحت مدونتك الرقيقه
دمتى بخير
إرسال تعليق
<< Home