تفكير بصوت عالى

Gray's Anatomy


"انت اى شئ الا انك عاديه"

"انت الشخص الوحيد الذى كنت اتمنى اخباره"

ابتسامه على وجوه كل اصدقاءها

عرفت ان دينى حبيب ايزى لسه موجود وبيحس بوجودها

عرفت حاجات كتير من ساعه ونص استسلام فقط لا غير

يعنى ممكن الاستسلام دا لو سيبناله نفسنا يتقلب ضدنا

ممكن لو مشينا معاه نوصل لطريق عمرنا ما فكرنا نمشى فيه

ولو ما استسلمناش ممكن اوى اوى نوصل للحاجه اللى بنتمناها
بس دا فى حالة ان الحاجه اللى بنتمناها هى كمان بتتمنانا

وممكن يكون غياب الحقايق عننا هو اللى مضلل طريقنا وبمجرد وصولنا ليها بنرتاح ونرجع تانى لمساراتنا الحقيقيه


*** *** *** *** *** *** *** *** ***


ساعات كتير اوى بتمنى اخرج برايا واشوفنى صح واسمع ايه بيتقال عنى

بيبقى نفسى اعرف انطباع اللى حواليا دايما عنى

بيبقى نفسى احكم على حياتى

واعرف ايه عملته زمان لازم اكرره دايما وايه ما عملتوش وكان لازم انى اعمله

مين فى كل اللى عايشين جوايا دول تبقى الاقربلى

مين اللى صح اوى ومين اللى غلط ولازم اتخلص منها
بس ارجع واقول انه التخلص منها مش سهل اوى كدا
ما هى برضو ليها ذكرياتها و امالها والامها

امتى استخدم اللى بتفكر بقلبها بس وامتى استخدم اللى بتفكر بعقلها بس


امتى اقولى حلو احسن كملى وامتى اقولى اقفى هنا وفكرى صح


"نفسى ابطل جرى واقف اخد نفسى صح او اوصل لنهايه السباق مهما كان الثمن"


*** *** *** *** *** *** *** *** ***

.....حلقه من حلقات المسلسل الرائع دا خليتنى اكتب دا ومش هقراه تانى لانى لو قريته مش هكتبه هنا.....