مجرد دموع
ليه محدش عايز يصدق انه فيه دموع بتريح
لا هى دموع حزن ولا هى دموع فرح
دموع وبس
دموع كان اصلها كلام واجعنى
كلام عاجبنى
كلام سمعته وخزنته لانه ماكنش وقته
او حتى كان اصلها مشهد من فيلم شفته
من حلم فى يوم حلمته
من ضحكه عابره ما اعرفش اصحابها
او دمعه صادقه ما اعرفش مصدرها
او حتى احساس قديم اجلته لانى كنت فى وسط زحمه
او حتى لوحدى اوى
:)
كل دى حاجات عندى ممكن تجلب لى دمعه
وبتبقى ساعتها دمعه
دمعه وبس
راحت لحالها وريحتنى
بفضل فاكرها .. يمكن
بنساها احيانا .. جايز
بس كل اللى اعرفه انها بتبقى ريحتنى
posted by ساعه الغروب at 1.6.08
41 Comments:
حلو اوي يا رودي .. فعلاً .. مش شرط تكون فرح .. و مش شرط تكون حزن ..
ممكن بجد تكون كلمة . ملهاش غير الدموع تعبير .. حسيتها اوي .. و إنتي ترجمتي الاحساس صح ..
وصلني أوي
لاقيت حد يقدر القيمة العظيمة للحزن
الحزن استاذى الاول
صح
دمعه وبس ومن غير سبب مقنع
جميله اوى البوست
شيماء:)
ايون ايون
حلو وي انك تفهمي الناس ده جدا
علشان لازم الناس تفهم ده
مش مهم تكون دمعه فرح او حزن او حتى دمعه بلا هويه
المهم انهم تكون متنفس نقدر نخرج منها اللى محبوس جوانا بيوصلنا لمرحله الإختناق
بتحصل كتير !!
حلوة اوى الحالة الى كتباها دى يا رودى
هشوفك هتعرفى انا مين ولا لاء ؟
هع هع هع هع :)
حبيبتى انا مصدقة وعارفة كويس اوى
الدموع راحة الدموع عارفة حاجة غالية اوى
كل الى بيريحك تعمليه رودى متغيريش نفسك عشان حد
وانتى مش لوحدك والله
انا هنا
ممكن تكون الدمعه دى زهقت من الحبس جوا العين...وعاوزة تخرج وتنطلق وتبقى مع اللى سبقوها
ممكن نسمة هوا رقيقة تعدى على وشنا تفكرنا باحساس زمان مات دلوقتى تخلى دموعنا تنزل
ممكن بوست رقيق زى كده برضه يخلى دموعنا تنزل
المناديل المرة الحاية عليكى :D
ياااه .. بجد قلتى اللى نفسى اصرخ و اقوله من زمان .. مش ضرورى الدموع يبقى معناها ان الواحد متضايق .. نفسى ييجى اليوم اللى كل الناس تكون فاهمة كده :)))
بجد مش لاقى تعليق
الفرح شيئ من الحزن ولكن بغطاء اذا اتنزع ومن كلمه واحده يكون حزن والحزن ليس بى دمعه او نظرات ولكن تعبير وجوه واختيارت جسد وتعبير حسب التعود
كتير الدموع بتبقي بس عشان نرتاح
بيقولو انها تقدر تغسل الالم والحزن اللي جوه البني ادم
بقايا دموع .. صدى صرخات .. ترددت بعيدا في نفسي ، وفي نفوس الاخرين .
لها طعم الملح ، ولسع النار ، ووخز الابر ، والحاح الضمير ، وبريق الامل
خريطة لاعماقنا
وليست اعماقي ولا كل الاعماق واضحة
فكلنا نحاول دائما .. ودون ملل .. ان نوضح انفسنا لانفسنا .. ان نقلب انفسنا بايدينا ونتفرج عليها .. برفق كاننا نحبها .. وبقسوة وكاننا نكرهها .. وبين كراهيتك لنفسك وحبك لها .. تتساقط الدموع .. ويتطاير العرق .. وتتمزق اهاتك وتضيع
"انيس منصور"
اولا : انتي جامدة
ثانيا : انا مصدقة اوي عشان انتي قلتي كلام لمسني اوي
ثالثا: انتي فين مش بتسالي ليه؟
مخاصماني؟
عزيزتى
ادعوكى للاشتراك فى جروب مدونى بورسعيد على الفسيبوك
http://www.facebook.com/group.php?gid=16270740901
ارجو منكى التواصل ونشر الدعوة للاشتراك فى الجروب بين مدونى بورسعيد
تحياتى
المسافه الصغيره بين الحزن والفرح احيانا دمعه
ياريت ديما الواحد
يقدر ينزل دمعه
في اي وقت علي حاجه خنقاه
علي الاقل يستريح :)
tamneny 3ank
enta fen ya roudy b2a
كلام عاجبك والدموع دموع فرح
او اثرت فيكي تأثير ايجابي بأي طريقه
مثلا دموع توبه
دي بتريح
اي دموع تانيه في رأيي الشخصي مبتريحش
لانها لحظات ضعف
بتبقي زي وقود للحزن
كلامي عليا انا بس ويمكن حد يختلف معايا
بس بيني وبينك كلمه في سرك:
قله البكاء تميت القلب
علي فكره شكلك مختفي يا جميل:)
مش هنتقل عليك بس طمننا عليك بس يا صاحبي
سلام يا روووووووووودي
اسعدنى المرور بمدونتك وأتمنى لك التقدم والمزيد من الاهداف النبيلة
كما أدعوك لزيارة مدونتى والتى محتواها
تعالوا نسافر المسافات الى زمن من المحبة لاينتهى
كما أدعوك لقرأة قصتى
(بكل لغات العالم أحبك)
المعه غالبا بتكون صرخه ألم محبوس بقاله كتيييييير او قليل حسب كل شخص
يمكن منعرفش سببها وقتها بس اكيد ده مخزونه ومستنيه فرصه تخرج من جدران العين
تخرج باحساس القلب
تترجم لحظات عشناها وبنعيشها
جميل بوستك اوي
wa7shteny
مصدقة والله ان مش كل الدموع زعل ولا فرح ممكن تكون مجرد ضغط زيادة او فكرة او زكرى
ترجمت نفسها لدموع وبس
ليه بس مافيش حد عايز يصدق
انا مصدقك يا رودي
وشايف الناس كلها اهوه مصدقاكي
كلنا بنحس الاحساس ده من وقت للتاني
الدموع بتنزل وبتاخد معاها كل الانفعالات اللي جوانا واللي ادفنت ومش حاسين بيها او مش فاكرينها
بس بتضيع وسط الزحام وفي الاخر بننساها مع الدموع
تحياتي في اول زيارة
تعرفي اني كل يوم بالليل ببكي
مش عارفة ليه
يمكن عشان فيه ناس وحشوني
ويمكن عشان قلقانة علي ناس بحبهم
المهم ابكي
ساعات...الدمع بيريح
اقتنعنا انها مش دموع حزن ولا كده خااالص
طيب انت فين بقى مختفيه
عايزه ابعتلك واحد نسكافيه وورك فرخه محمره
ولا سمك؟؟
لالالا ده عندك منه كتيييير
طمنيني عنك
ادام هي ريحتك طب لية خلفية المدونة لسة سوداء
حاولي تغيريها في احتمال حاجات تانية تتغير معاها
ابدأي بالي عليكي
فينك؟؟؟؟
تحياتي
أنا أصدق تماما ...
ذكرتيني بأحدهم عندما قال لي ...
ليست الدموع حزنا و لا فرعا ... في الدموع تطهير و تفريغ ...لا بد منها ... بسبب أو بدون ... و اننا عندما نفقد السبب ... نبحث عنه .. نتلكك عليه ..لنبكي ... فنستريح ..
تحياتي :)
لدموع دي بجد اي حد بيتمناها
لانها صعب انها تنزل
ومش اي حد ينزلها
دموع بلا مسمي
عارفه ...؟
فرحــت اوى لما استخدمت البوست ده
في توضيح نوع دموعى
من غــير ما اتكلم كتير
في الوقت ده ... انتى عبرتى عنى
وده يعنى لي كتير اوى
سلام عليكي يا رضوي
اه ممكن ابكي منغير سبب محدد لان كل حاجة بقت جوايا بتالم اوي و مش بقدر استحملها ..كل انسان و له طاقة لكن المشكلة انه صعب تبكي ادام حد لانهم هيخافوا عليكي و يسالوكي عن السبب و ممكن دموعك تالم اللي بيحبوكي ..و ده بيضايق لانك بتكوني مش عارفة ترتاحي و تعيطي لانك هتخافي تالمي حد بتحبيه
بس لازم تخرجي حزنك و لو بدمعه واحده
يا رب ما تتالمي و لا تحزني يا رضوي
سلام
مها
مدام بتريحك متسمعيش كلام حد
:)
rosealia29
الحمد لله انه احساسى وصل لانه الموضوع دا فعلا مهم اوى ساعات كتير بنبكى ومش بنلاقى لدموعنا مبرر و ساعات اكتر اللى حولينا بيسالوا بس مش بنلاقى اجابه فحسيت انه هى دى الاجابه على دا
انها مجرد دموع حست انها لازم تتحرر فقررت التحرر لانه الموضوع ابسط بكتير من اننا نعقده
ويا رب كل دموعنا تبقى دموع فرحه وبس
ربنا معاكى ويكتبلك كل ما فيه الخير ليكى
*-*-*-*-*-*-*-*-*-*-*-*-*-*-*-*-*-*
واحد مش فاهم حاجه
بقدره جدا جدا جدا لانه زيه زى الفرح احساس ربنا خلقه جوانا
وبيثبت اننا بشر وبنحس
فلازم نحترمه ايا كانت نتايجه
شكرا لتعليقك
ويا رب دايما تكون بخير
همسات دافئه
ميرسى يا شيماء
انتى الى بجد جميله لانه الموضوع دا مش بيحسه اى حد فشكرا ليكى
*-*-*-*-*-*-*-*-*-*-*-*-*-*-*-*-*-*
زحل الفكى
اخويا نوفا العزيز جدا
ميرسى ليك وفعلا الموضوع دا مهم لانه الناس دايما عندها السؤال الدائم دا
مالك فيه ايه ؟
مش لازم الدمعه دايما يكون لها معنى وحش او مؤذى
بالعكس تماما المفروض انه معناها حلو اوى لانها بتدل على الاحساس
ايا كان الاحساس دا
ميرسى ليك جدا
زهرة الياسمين
صح جدا فعلا لان الدمعه دى ما هى الا احساس بنحسه جوانا فبنحب نحرره ومش عيب ابدا لو كان التعبير دا هو الدمعه دى
:)
ميرسى ليكى جدا
وارجو تكررى الزياره
*-*-*-*-*-*-*-*-*-*-*-*-*-*-*-*-*-*
؟؟
ميرسى ليك يا يوسف يا مصرى
؛)
والحمد لله انه الصوره وصلت صح اوى زى ما كان نفسى توصل
ميرسى ليك
:)
ana keda
كتير فكرت اغير من نفسى بسبب السؤال دا مالك بتعيطى ليه ؟؟
لا مش شرط كدا خالص
مش شرط يكون بكا لانى اتضايقت
ممكن يكون لانى فرحت اوى
او ممكن يكون لانى حسيت بحاجه حركت جوايا الدمعه دى
بس بعد تفكر كتييييير اوى قررت انى كدا افضل حتى لو دموعى حبت تتحرر قدام حد مش همنعها ولا هقولها لا
لانى اولا واخيرا بحترمها
:)
شكرا ليكى جدا بجد وربنا معاكى
*-*-*-*-*-*-*-*-*-*-*-*-*-*-*-*-*-*
safa7_karmooz
لا والله ما دا المقصود من البوست خالص
:)
المصود انه الفكره توصل زى ما زصلتك كدا الحمد لله
انها بتبقى حاجهبسيطه اوى بتاثر فينا حتى ولو نسمه هوا زى ما قلت
فشكرا ليك
واذا كان على المناديل فهيتم اضافتها من البوست الجاى
caramella
شكرا ليكى والحمد لله انى لقيت ناس كتير متفقه معايا فى انه فيه ناس مش بتقدر الدموع حق تقدريها ولا بتفهمها صح اصلا
بجد الناس اللى مش بيفهموها صح دول انا بشفق عليهم لانهم بعدم احساسهم الصح بالدموع ضيعوا منهم لحظات حلوه كتيره اوى
شكرا ليكى ومنتظره زيارتك تانى
*-*-*-*-*-*-*-*-*-*-*-*-*-*-*-*-*-*
ادم المصرى
بجد شكرا جدا لتعليقك اللى اكد وفسر معنى جوا البوست كان نفسى اقوله بس انت قلته بطريقه اوضح
فشكرا ليك
منتظره تكرر الزياره
esraa
لما بتبقى صادقه فعلا بتقدر تغسل الالم والحزن الى جوانا
ما هو اصل فيه دموع مش صادقه مش معنى كدا انها كاذبه او مش خحقيقيه بس برضو بيبقالها ميعادها
:)
شكرا ليكى
ويا رب تكونى بخير
*-*-*-*-*-*-*-*-*-*-*-*-*-*-*-*-*-*
lamia mahmoud
اكيد بعد اللى اتقال دا استحاله اقدر اقول اى كلمه
خاصة انى بموت فى كلمات انيس منصور
فانا هرد بس على اولا
وهقول ميرسى جدا
وعلى ثانيا واقولك
الحمد لله انى عرفت اوثل احساسى بالدموع دى ليكو
وعلى ثالثا واقول
انا مش بسال لانى مفلسه
ودا توضيح هام جدا جدا جدا
انا مش عندى دروس يعنى مش عندى شغل يعنى مفلسه ولكل حد زعلان منى انا بعتذرله والله وبقوله مش بايدى ما هو اكيد مش هعرف امد ايدى للبيت عندى واقولهم هاتو فلوس فانتظرونى مع بدايه العام الدراسى وادعولى كدا الله يكرمكو
اما على اخر تساؤل دا فهقولك
بالتاكيد لا وما اقدرش اصلا بس بجد اعذرونى
ميرسى يا لميا بجد
وميرسى اكتر على سؤالك
بتبقى دمعة باردة
بتزل ع الخد و تنشف بسرعة
و ساعات تنسي إنها زنلت
و تحتاري قوي لحد شافها و سألك ليه و من ايه
وساعات تريح لدرجة إنها ترسم بسمة وراها
وتفتح عينك على الدنيا اللي هي أصلا قدامك طول الوقت بس ... حاجة غريبة
كإنك ما كنتيش شيفاها
الدموع مش شر
ساعات بتبقى مية بتغسل الحزن
وساعات تسمح زعل من حد
وساعات تبقى ندى يطمنك ان اتللي بتناديه حايلبي وييجي
حلم بقى ولا قلب ولا مكان معاند مش راضي يرجع
مكسوفة اني رقم 37
بيتهيألي انك برضه مشفتيش تعليقاتي
سلام
اهو ده عيبه
شكرا لدعوتك
-*-*-*-*-*-*-*-*-*-*-*-*-*-*-*-*-*-
lshtiwydvi
هى مش مجرد دمعه
هى دمعه قررت التحرر لعدم الوصول للجنون
ما هو لما يتقابل شعورين متناقضين جوانا اكيد لو ماحررناش الناتج هنوصل للجنون
شكرا ليك
may
يا رب فعلا نقدر نعبر عن كل اللى جوانا مهما كان بمنتهى الصدق حتى لو كان منتهى الصدق دا دمعه
مش عيب ولا غلط بالعكس دا منتهى الاحترام للنفس
شكرا ليكى
واتمنى انك تكررى الزياره تانى
*-*-*-*-*-*-*-*-*-*-*-*-*-*-*-*-*-*
ana keda
انا موجوده اهو ما تقلقيش
يا رب انتى اللى تكونى بخير
شكرا ليكى ومش تقلقى عليا
؛)
وحشتني اوي الدموع دي
إرسال تعليق
<< Home