شخص اسطورى

كتير مننا كان بيحلم فى يوم يكون شخصيه اسطوريه

وانا من زمان اوى وانا بحلم ابقى شخصيه من الشخصيات دى ومهما بتمر بيا الايام و بكبر بتكبر الفكره فى خيالى اكتر

يمكن لانى ببقى كتير عايزه انى اعيش فى عالم خيالى غير العالم الواقعى اللى انا عايشه فيه

سندريلا

يااه من اول مره قريت عنها وانا حبيتها اوى اوى اوى ومش بنسى شكل الرسمه بتاعتها فى القصه لما كنت بقراها وهى قاعده جنب الدفايه وبتخلص حاجات فى شغل البيت

:)

حبيتها اوى واسباب حبى ليها انها بجد اد ايه كانت قنوعه وما كانتش معترضه ابدا على اللى بيحصلها

كانت ساكته وراضيه باللى بيجرالها

كات مقهوره وبتتعامل وحش اوى وما رفضتش ولا لحظه اللى هيا كانت فيه

كانت بتبكى فى صمت وبس ولما جتلها الفرصه انها تعيش سعيده ولو "لساعه"عاشت الساعه دى بصدق اوى وصح اوى

وعشان كدا ربنا كافئها على صبرها ورضاها دا بانها عاشت حياه سعيده تستاهلها

*-*-*-*-*-*-

يمكن يكون البوست طفولى شويه بس بجد حسيتنى اوى نفسى اكتب عنها لانى كل ما بشوف صورتها بحس بكلام جوايا

جوايا كلام تانى كتير عنها بس مش عارفه اقوله

:)

طيب بزمتكو مش كان نفسكو تكونوا حد من الشخصيات دى؟؟

؛)

انا جيت

لخابيط لازم اقولها

اولا

انا بجد مش عارفه اعتذر بايه لمدونتى ,بيتى ,المكان اللى احتوى مشاعرى بجد,اجندتى المرئيه بجد وحشنى اوى مكانى (اللى الى حد ما )خاص,بجد اسفه اوى اوى اوى

كمان لازم اعتذر بشده فعلا لكل حدكان بييجى هنا وبيتابعنى وبيتفاعل معايا ,اسفه بجد منل قلبى ,بس والله كانت ظروف خارجه عن ارادتى و وقت رمضان كان ضيق جدا وما كانش ينفع اروح اى سيبر فبجد سورى

ثانيا

كل حد بشوفه هنا وحشنى مووووووووووت بجد ويا رب ما ابعد تانى عن كل واى حد بيعنيلى هنا كتير اوى كدا

ثالثا بأه

ولو انى عارفه انه كلامى دا متاخر اوى الا انى لازم اقوله

كل رمضان وكل عيد وكل سنه وكل يوم وانتو يا رب بالف خير وصحه وسعاده وراحه واطمئنان مع النفس , ويارب نكو فى رمضان دا قدرنا جميعا نعمل اللى ما قدرناش نعمله قبل كدا,يا رب فعلا يكون كل حد فينا اخد خطوه لقدام مع ربنا ومع نفسه وى شغله وفى حياتهومع كل حد بيحبه وقريب منه

اما رابعا

فكل اغلشكر طبعا لكل حدسأل عليا وكل حدكان بييجى يزورنى هنا فى المده الطويله اوى اللى بعدتها دى و يا رب ما ييجى اى حاجه تانيه تبعدنى عن بيتى اللى برتاح بناسه اوى

خامسا

نيجى باه لكلامى الغلس "اللى انتو اكيد اتعودتوا عليه منى"بس اصلى حاولت ما اكتبوش وما عرفتش

"صديق"

يعنى ايهى كلمه صديق ..يعنى يعنى حب يعنى عطاء يعنى وفاء يعنى امان وصدق وحنان يعنى منتهى التضحيه يعنى تسليم بكل الاسرار والحقائق يعنى نفسى فى كيان تانى يعنى روحى ى جسد تانى يعنى اخلاص للنهايه يعنى رضا يعنى اقتناع يعنى وحد يعنى دموعى فى عيون تانيه يعنى فرحى يتحس من غير ما احكيه يعنى كل معنى مقسوم على اكتر من واحد يعنى حضن بيضم حتى من غير ما اشتاق يعنى صوت بيتردد كلحن فى ودنى مش بنساه يعنى زكرى اعيش عليها سعيده لاخر يوم فى عمرى يعنى فخر قدام الزمان بحد حسسنى فى يوم انى انسانه استحق انه يكون لى صديق

كل دا انا عيشته وحسيته اوى ايام الكليه عشت مع ناس كانزا اكتر عندى من اخوه واخوات..كانزا الصدق..الحب ..الحب..الامان ..الحان..كل حاجه حلوه فى الدنياكانت موجوده فى 18شخص كان فيه صدق بجد فى التصرف ..ى التعامل..فى العيون

ياااه ..اد ايه فعلا من الصعب انى الاقى تانى ناس زيهم اوى كدا

انا كنت سايبه الكلام عن الناس دى لبعدين شويهبس للاسف حصل حاجه خليتنى محتاجه اعترف لهم بكل الشكر والجميل

هو احنا نقدر نعيش من غير "صديق" ؟

بجد ينفع؟

طيب ينفع نبعد عن حد سميناه فى يوم "صديق"؟

ينفع لو بنحبه اوى وبنخاف عليه اوى نبعد عنه؟؟

وهل ينفع فى يوم من الايام نصادق حد مضطرين؟؟

يعنى عرفناه ونقربنا منه وطلب مننا

وقالنا انه محتاجنا فى حياته اوى و صادقناه رغم كل متناقضاته معانا

طيب لو عرفنا ى يوم انه بيخونا وبيغدرنا!!هنتصرف ازاى ؟؟

هناخد الامر عادى ولا هنعاتبه ولا هنحاول نعالج اللى هو عمله وبس ؟؟

كان لينا زميل كان له قول مشهور فى الموضوع ده

"علاج الندل اجتنابه"

يمكن اول وتانى مره نقدر نقول لنفسناانه احتمال نكون احنا الى ظلمينهلكن لما الامر يتكر لاكتر من 5 او 6 مرات يبقى التصرف ايه اوازاى؟؟

خاصه انه اللى بيربطنا بيه مش يوم ولا اسبوع ولا شهر لا دى سنين,يعنى مش هينفع نعمل زى ما عمل ونخون عشرتنا ليه

صعب اوى فعلا جرح الصديق,يمكن يكون اصعب من جرح الحبيب

طيب هو ينفع نعيش فعليا من غير اصدقاء؟؟

صعب صح؟

بس لو الظروف اضطرتنا يبقى ممكن؟!؟

خاصه لو حسنا انه ال"صديق"دا بدا يشوه صورتنا و بدا كلامه ياثر علينا ى علاقتنا بالمحيطين بينا وخاصه لو المحيطين بينا دول ناس بنحبهم بجد وغاليين علينا اوى

صعب فعلا لما الغدر يكون من حد قريب

عموما الحمد له انه الواحد بيبقى له مهما كان او حصل اخوات بجد بيبينوله اللى بيحصل من ورا ظهره

ربنا يستر علينا جميعا زما يعرضش حد ابدا للموقف اللى اتعرضت انا ليه

الحمد لله

عموما وبهذه المناسبه السعيده احب اعلن عن انهاء اللافته اللى كلفتنى كتير اوى اوى اوى بس الحقيقه الامر كان يستدعى

"ما يرولش"

يمكن اللى حواليا و اللى بيسموا نفسهم اصدقاء يحاولوا محاوله جاده لاستخدام طرق و اساليب اكثر ذكاءامن الى ما بترولش

والحمد له على كل حال

********

سامحونى ووحشتونى

رودى