ذكرى قديمه

من يوم ما بعدت عنك وحاولت اقنع نفسى انك مش موجود فى حياتى وانا مش قادره اكتب
مش عارفه اعبر عن اى حاجه جوايا..
مش اى اوصف اى مشاعر بحسها
مش بقدر اكتب غير كلام مش مفهوم
نفسى قلمى يتحرر من قيودك
نفسى اقدر اكتب زى زمان
نفسى اقول كل اللى جوايا من غير ما اكتب اسمك
او حتى انى اجيب سيرتك
نفسى اقدر اشفى نفسى منك
نفسى اقول بصدق انى نسيتك
نفسى انسى ان قلبى فى يوم دق بجنون ساعه ما شافك
نفسى انسى!!!!!!!
انسى!!!! انسى ايه!!
انسانى!!
انسى مكالماتك مع اول نقطه مطر؟
انسى ان برد الشتا بيفكرنى بدفا عيونك؟
انسى سماع كل اغنيه جديده لمنير معاك انت بس؟
انسى صوتك الحنون وهو بينادينى؟
انسى ليلك الطويل اللى باقضيه كله صاحى
تكلم قمره وتسمع اغانيه؟
انسى ضحكتك الحنونه اللى بيسكت عند سماعها كل صوت تانى فى الكون؟
انسى كل كلمه حلوه سمعتهامنك؟
انسى كل نسمه مرت عليك وعليا؟
انسى كل موجه كلمتها عنك؟
انسى كل اوقاتى اللى قضيتها فى الكتابه عنك؟
انسى كل صفحه فى كتبى وهى بتضم حروف اسمك؟
انسى ان كل شارع مشيت انت فيه مشيت بعدك منه؟
انسى انى حبيت فيك كل حاجه حتى عيوبك ؟
انسى ان وانت مسافر كنت بكتبلك كل يوم الصبح وبالليل واقولك كل احلى الكلام؟
انسى ان كل حاجه فيا ما تعرفنيش و تعرفك انت؟
انسى ان قلمى رافض حتى يكتب غير عنك انت؟
انسى ان كل حاجه فى اوضتى ساكته ومش بتحكى معايا غير بعد سماع صوتك؟
انسى ان تليفونى كل نغماته مالهاش معنى غير نغمتك انت؟
انسى ان الغروب من يوم ما بعدت بيخلينى ابكى؟
وانسى ان الشروق من بعد فراقك بيخلينى اخاف؟
انسى ان صوت كل عصفور سمعاه ندا واستعطاف ليا بالرجوع لحبى القديم؟
انسى ان كل رمله من رمال البحر بتعاتبنى وبتسالنىعن حكاياتى وكتاباتى عنك؟
انسى ايه وانسى ازاى؟؟
انسى انى عايشه بقلب فاضى ما بيملاهوش غير حنين وشوق ووحشهلكل لحظه مرت بقربك؟
انسى ايه؟؟
قوللى انت لو عندك اجابه!!!!!!!!!! نفسى اقول فى يوم انى نسيتك........... ؟؟؟